Da matri, da uxori, ut me brevi reduce gaudere una pium et Christianum gaudium possimus. O tu, Deus salutis meae, tu mea spes unica es : tibi ego et meos et me servandum committo. Ita esto, mi Deus, mi Pater. Amen.

Oro te, Pater caelestis, per Dominum nostrum Jesum Christum Filium tuum, rege hanc familiam, et nostra omnium peccata tege. Da mihi iter instituenti, ut in timore tui εὐδῶμαι, a te uno semper ut pendeam, te unum spectem, tuique unius ope stem cum meis.

Serva piam matrem, uxorem dilectissimam, et suavissima nostra pignora. Esto inter omnes domi concordia, et unicus tantum ζῆλος, unica aemulatio, ecquis erit in te colendo diligentior et assiduior.

Illud unum superest, ut, liberatus ingrata hac cura Athenaei, alio me possim conferre, id est suscipere aliud opus quod sit futurum jucundius, et εὐσεbείᾳ μᾶλλον προσῆkον. Fac, O Pater, damnes aliquando hujus voti. Ἀμήν.

Publicum hoc quam male de nobis interdum mereatur, scis tu, O Deus, cui esse curae meque meosque certus sum, et hoc uno fretus animum in tantis curis non despondeo.

Inde studia diligenter curavimus ad decimam, multaque in Athenaeo curavimus vulnera necdum nobis deprehensa. En erit unquam ille dies, cum edito eo libro gratias tibi, O Deus mi, agam liberata mente ab hac molestissima cura ? Da hoc mihi, O σῶτερ, et mihi meisque porro benedice. A prandio docuimus.

Inde studia diligenter curavimus ad decimam, multaque in Athenaeo curavimus vulnera necdum nobis deprehensa. En erit unquam ille dies, cum edito eo libro gratias tibi, O Deus mi, agam liberata mente ab hac molestissima cura ? Da hoc mihi, O σῶτερ, et mihi meisque porro benedice. A prandio docuimus.