「偵探」台語按怎講？日本時代紀錄「探偵／thàm-cheng」，當然 che 是來自日語「探偵／たんてい」，日本時代，探偵主題 ê 小說誠時行。

毋過你若欲講「偵探／cheng-thàm」敢會用得？也是無妨，除了「探偵」，《臺日典》也同時有「偵探」ê 條目，同樣是「たんてい」ê 意思，毋過伊有標一个「新」字，也就是講這个講法是較後來才出現--ê，是按怎明其有「探偵」矣，後來 koh 出現「偵探」咧？我有一寡仔推論，毋過猶需要較濟對照，暫且按下不論。

祝融欲來無整鼓，月港起煙廟頂舖，王爺府宅著火路，無捨無施在年初；千歲回轉趕路途，韓德盧清難管顧，大聖險險燒著毛，太子驚熁紅綾布；大二三王得守護，也有神明暗叫苦，代天巡狩無疑誤，神尊落難成炭箍。

Eh......Iá tih koan-chhat.