A wani ƙoƙari na hana sha da fataucin miyagun kwayoyi a jihar Kano da ke Akrewacin Najeriya hukumomi na cigaba da kama dillalan kwaya da masu ta'ammali, inda hukumar NDLEA a jihar ta ce ta kama mutane 1,389 a shekarar 2025 da ta gabata, sai dai ana ci gaba da ɗiga ayar tambaya kan makomar waɗanda ake tsarewa a gidajen gyaran hali.

Amurka ta jaddada buƙatar ganin gwamnatin Najeriya ta bai wa Kiristocin ƙasar cikakkiyar kariya sakamakon hare-haren da mabiya wannan addinin ke fuskanta.

Shugaban Amurka Donald Trump, ya ƙaddamar da Kwamitinsa na tabbatar da zaman lafiya a matakin ƙasa da ƙasa wato ‘Board of Peace’ a turance, wanda sharaɗin samun kujerar dindindin cikinsa shi ne biyan Dala Biliyan 1 daga duk ƙasar da ke da buƙata.

Sojoji da suka ƙwace mulki a Guinea-Bissau sun tsaida ranar 6 ga watan Disamba mai zuwa a matsayin ranar babban zaɓen ƙasar, lokacin da za’a cika shekara ɗaya da hambarar da shugaba Umaro Sissoco Embalo a ƙarshen shekarar da ta gabata.

Hukumomin Jamhuriyar Nijar tare da takwarorinsu na Tarayya Nigeria sun yi wata gana a Yamai da ke zaman  fadar gwamnatin Nijar a karkashin jagorancin hukumar kula da bakin haure ta Majalisa Dinkin Duniya OIM,  domin tattauna makomar ƴan cirani Najeriya su kimanin dubu 1 da 300 da ke gararanba a kan titinan birnin.

Shugaban Senegal Bassirou Diamoye Faye, ya bayar da kyautukan milyoyin kuɗaɗe da filayen gina gidaje ga ƴan wasan ƙwallon ƙafar kasar da kuma sauran jami’an da suka raka su zuwa Maroko, sakamakon nasarar lashe kofin gasar da suka yi a ranar lahadin da ta gabata. Shugaba Faye, ya sanar da kyautukan ne a lokacin wani gagarumin bikin da aka shirya domin tarbar ƴan wasan na Lions de Teranga da aka yi a birnin Dakar. Ga dai abin da shugaban na Senegal ke cewa.

Gwamnan jihar Kaduna Uba Sani ya yi alƙawarin cewa gwamnatinsa, tare da haɗin gwiwar sauran hukumomin tsaro, za ta tabbatar da dawo da duk waɗanda aka sace a ƙauyen Kurmin Wali lafiya.

Sojojin Sudan na nazari kan wani sabon shiri da ƙasashen Amurka da Saudiyya suka gabatar mata na yin sulhu da sojojin sa kai na RSF  da ke adawa da ita. Wata muhimmiyar kafar gwamnatin ƙasar da ta buƙaci a sakaya sunanta ce ta shaidawa  manema labaru wannan batu a ranar Laraba

Rundunar tsaron yan sandan Turai ta ce tayi nasarar gano wata babbar kungiya dake safarar miyagun kwayoyi tsakanin kasashe, wannan gagarumar nasara a cewar su ita ce mafi girma da ba’a taba yin irin ta ba  .

Shugaban Amurka Donald Trump ya ce ba zai yi amfani da ƙarfi ba wajen karɓe ikon yankin Greenland, wanda ke cin gashin kansa a ƙasar Denmark, sai dai ya jadda cewa har yanzu Amurka na da muradin mallakar yankin. Trump ya bayyana hakan ne a lokacin da ya ke gabatar da jawabi, a wajen taron tattalin arziki na duniya da ke gudana a birnin Davos.

Rashin karatun littattafai ya zama ruwa dare ga ɗalibai a Jamhuriyar Nijar, lamarin da ya zama koma baya babba ga samun ilimi ga daliban a fannoni daban daban, baya da ɗaukar darussa a ajujuwa, la’akari da cewar, muddin ɗalibai na son samun ilimi cikakke dole sai da karatun litattafai.

Wani ɗan ƙunar baƙin wake ya afkawa ayarin motocin sojoji a yankin Timbuktu da ke jihar Borno, inda ya kashe sojoji biyar tare da raunata wasu da dama da ba a fayyace adadinsu ba, majiyoyin tsaro sun tabbatar wa da jaridar Daily Trust cewa manyan jami'an soja biyu - Manjo da Laftanar  na daga cikin waɗanda harin ya rutsa da su.

Yau sabbin dokokin shige da fice na Amurka, wanda Shugaba Donald Trump ya gabatar, na dakatar da aikace-aikacen bada bizar Amurka ga ƙasashe 75, ciki har da na Afirka 26, da suka haɗa da Ivory Coast da Kamaru da Senegal da kuma Najeriya za su fara aiki.

Wasu manyan jami’an kasar Congo sun bayyana cewar Kasar ta mika wa kasar Amurka jerin sunayen ma’adanan karkashin kasa da Allah ya huwace wa kasar da su ka hada da Kanwa da Karfen Gachi da Zinari da Tasa domin janyo hankalin masu saka hannayen jari na kasar Amurka.

Shugaban kasar Ukraine Volodymyr Zelensky ta bayyana damuwa da abin da ya kira yadda batun kwatar yankin Greenland da Amurka ke yi ke Shirin karkatar da hankullan Amurka da kasashen Duniya a kan kashin mummuke da shugaban kasar Rasha Vladimir Putin ke yi wa kasarsa.

Dakarun Sojin kasar Ethiopia sun tabbatar da kisan wasu ‘yan ta’adda masu ta da kayar baya su 40 ta hanyar amfani da Kurman jirgin yakinsu a yankin Amhara.

Shugaban Emmanuel Macron na Faransa, ya soki lamarin shugaban Amurka Donald Trump a ƙoƙarinsa na neman yin ƙarfa-ƙarfa a kan ƙasashen Turai.

Gwamnatin Nijar ta kafa wani kwamiti da zai tattara hujjoji da kuma shawarwarin da ƙasar za ta yi amfani da su a takun-sakar da ke tsakaninta da kamfanin haƙo Uranium na ƙasar Faransa.

Ɗan wasan gaba na Real Madrid Kylian Mbappe ya zura ƙwallaye har 2 a ragar tsohuwar ƙungiyarsa Monaco yayin karawarsu ta daren jiya da suka samu gagarumar nasara da ƙwallaye 6 da 1 ƙarƙashin gasar cin kofin zakarun Turai.

Karon farko cikin lokaci mai tsayi, Arsenal ta yi tattaki zuwa Italiya tare da samun nasara bayan da ta lallasa Inter Milan da ƙwallaye 3 da 1 a haɗuwarsu ta jiya a filin wasa na San Siro ƙarƙashin gasar cin kofin zakarun Turai.

Kasar Syria ta shelanta cimma yarjejeniyar tsagaita Wuta na kwanaki 4 a fadan da ake gwabzawa tsakanin Sojin kasar da ‘yan tawayen Kurdawa masu neman ‘yantar da yankinsu.

A karshen karshe dai rundunar 'yan sandan Najeriya ta fitar da wata samarwa da ke tabbatar da da cewa ‘yan bindiga sun yi garkuwa da wasu mutane  a garin kurmin wali da ke karamar hukumar kajuru a jihar kaduna duk kuwa da  musanta lamarin a baya da jami'an tsaro su ka yi.

Jami'an Hukumar Tsaro ta farin kaya DSS a Najeriya sun kama tsohon ministan shari'ar ƙasar Abubakar Malami jim ƙadan bayan an sake shi daga gidan yari a Abuja ranar Litinin. Bayanai ba cewa an sake kama shi ne kan wani sabon bincike dangane da gona makamai a gidansa da ke Birnin-Kebbi a watan Disamba da ya gabata.

Hukumomi a Togo sun kama tare da korar tsohon shugaban riƙon ƙwaryar Burkina Faso, wanda ke zaman mafaka, sakamakon zarginsa da ci gaba da shiryawa ƙasarsa zagon ƙasa, sai dai babu tabbas ko Burkina  Fason aka tura shi.

Sojojin Jamhuriyyar Congo da mayaƙan da ke taimaka musu a yaƙin da ƴan tawaye sun fara komawa sassan birnin Uvira na gabashin ƙasar kwanaki bayan janyewar mayaƙan M23 masu samun goyon bayan Rwanda.