O profesor axudante doutor de Historia Económica da Facultade de Ciencias Económicas e Empresariais e investigador de HISTAGRA-CISPAC Bruno Esperante vén de gañar o XVII Premio de Historia Agraria Ramón Garrabou que concede a Sociedad de Estudios de Historia Agraria (SEHA). Esperante fíxose con este galardón polo artigo ‘La motorización de una agricultura atlántica y ganadera de pequeños propietarios: la difusión de tractores agrícolas en Galicia, 1939-2000’, publicado no nº 90 da revista Historia Agraria. Estes premios recoñecen o mellor traballo de investigación abordado desde unha perspectiva interdisciplinar sobre a historia agraria e as sociedades rurais da Península Ibérica e América Latina que foron publicados en español, portugués ou inglés en revistas de impacto internacional durante os anos 2023 e 2024. Na concesión do premio ao profesor da USC, o xurado valorou a sólida estrutura do artigo e o amplo coñecemento demostrado polo autor, tanto do marco teórico como da bibliografía referente ao tema traballado, a orixinalidade da formulación e dos obxectivos xunto coa solidez da argumentación en todo o discurso e o interese que presenta o tema abordado, como é o proceso de mecanización no marco do minifundio, cun estudo de caso que abre novas liñas de investigación para estudos similares noutros territorios. Así mesmo, o estudo das vías de difusión e a cronoloxía da mecanización abórdanse no artigo desde unha visión ampla do proceso de modernización da agricultura galega, coa difusión de tractores, o aumento do gando especializado na produción de leite, o incremento do consumo de fertilizantes etc.O xurado tamén destaca que o traballo “vai máis aló da pura innovación técnica e expón a difusión dos tractores como parte dun cambio cultural na agricultura campesiña que cronoloxicamente a sitúa no marco da expansión económica dos anos sesenta”. 

O profesor axudante doutor de Historia Económica da Facultade de Ciencias Económicas e Empresariais e investigador de HISTAGRA-CISPAC Bruno Esperante vén de gañar o XVII Premio de Historia Agraria Ram...

A historiadora Noelia Valiño analiza máis de 800 historias clínicas e acha varios casos nos que a opresión foi o único motivo de internamento

Os novos retos que afronta o sector pecuario abren o debate sobre a necesidade de adoptar prácticas sustentables de crianza

Welcome back to Instagram. Sign in to check out what your friends, family & interests have been capturing & sharing around the world.

O grupo Histagra da USC, centrado en memoria histórica da represión franquista, estrea unha peza que recolle todo o proceso

O Arquivo Histórico Universitario da USC (AHUS) recibiu este xoves para o seu fondo DOAME (Documentación da Oposición Antifranquista e Movemento Estudantil da Universidade de Santiago) a colección per...

YouTube video by Histagra USC