Suudu sariya mawndu leydi ndi lawɗinii hanki kandidaaɓe jeyateeɓe e suɓngooji paaɗi. Ko ɓe yimɓe 9 anniyiiɓe fooɗondirde lefol laamu ngu ñannde 28 lewru darotoondu ndun. E ɓen no tawaa Mamadi Doumbouya hooreejo laamu faddewu leydi ndin. Alasane BALDE ko dawroyankeejo mo Gine. E bi’o makko hay gooto e ɓee kandidaaɓe alaa dartotooɗo Mamadi Doumbouya. Heɗoɗen mo e faandu haala Ummu BAH

Yewtere men hannde alkamisa ñannde 13, 11ɓuru, en kaalan ko yowitii e alhaali dawrooji leyɗe Afrik wonndude e caɗeele ɗe lunndiyankooɓe ɓurɓe lollude ɓen fottata e mun ngam waawude ƴamude lefol laamu. Hino taskaa hannde e nder leyɗeele ɗuuɗuɗe nde suɓngooji hooreyaaku fewndii, lunndiyankooɓe mawɓe ɓurɓe ɓen ronkkay tawtoreede e woote ɗen, sabu pelle maɓɓe hino wenngaa, maaɗun ɓe winndaaki e doggol wootooɓe maa kanndidaaɓe sabu ellaaji goɗɗi e goɗɗi.

France, maanditaare fiyanɗe jemma 13 lewru 11ɓuru, fuɗɗike hannde to stade Saint-Denis, laamorgo ndii leydi. Ko e ndeen nokkuure Kuliyankooɓe Etat Islamik adii waɗude fiyannde maɓɓe aranere e ndee hitaande 2015. Yimɓe 132 warano e mun, ɓurɓe 350 gaaña. Ko Manuel Dias adaa wareede e ɗee fiyanɗe. Sophie Dias, ɓiɗɗo makko ƴettii konngol hannde. O holli yeeso hooreeɓe France ɗuuɗuɓe, sunaare nde ɓeynguureeji lorriiɓe e ɗii boneeji kuliyankooɓe wonndi. Heɗoɗen mo.  

Yimɓe 16 maayii, ko ɓuri 800 njagga. Ko ɗum woni tonngol laamu Cameroun e fitinaaji baɗɗi caggal suɓngooji hooreyaaku leydi ndi. Ɗi ngannduɗa ko Paul Biya fooli e mum. Jaŋtoore Oumar Mamadou Sow

KORAG, njuɓɓudi halfinaandi ƴeewtaade eɓɓooje laamu Burkina Faso, holli yiitude yimɓe waɗuɓe njenaari bonndi e laɓɓinde jawdi ndi laaɓaa. Ko yimɓe Duwan en e yoga e magistaraaɓe leydi ndi tuuma waɗude oo alhaali. Ko e nder ciimtol janngangol e ley telewision laamu ngu, oo kabaaru hollita. Jaŋtoore Amadou Barro BA

E nder Sierra Leone, waylo waylo teskaama  e baŋŋe pine leñi ɗii. Lala Bayani Sidibe ko debbo koɗoowo kora, fannu ndu rewɓe meeɗaaka yi'eede e mun. Hoddu kora ko ɓoggi 21 iwuɗi leyɗe hiirnaange Afrik tafiraa. Tuugaade taariika, ko hoddu ndu awluɓe worɓe hoɗata ngam wuurnude e reenude taariika e pine Afrik. Kono Lala wonaa koɗoowo tan, o woni kadi softiyankeejo daraniiɗo hakkeeji sakataaɓe. Omo tawaa kadi e golle ñeeñal. Jantoore Kajjatu Jallo

Tedduɓe heɗiiɓe rfi fulfulde, onoon e jam. Oon calminaama, oon njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik. Hannde yewtere mennde hello ɗiɗoɓo e tiiɗallaaji kaɓɓodiiɗi e keɓal karburan to Mali. Gilla nde jihaadiyankooɓe JNIM anndini haɗugol yaa ngarta kamiyooji citerne 03 jeenaɓordu ndeehitaande 2025, esans, gasuwal laatiki kulle tiiɗuɗe heɓeede e ley leydi ndi.

Guinée Bissau waɗan suɓngooji hooreeyaaku e depiteeɓe ñannde 23 nduu lewru 11ɓuru. kandidaaɓe ɓeen ko ɓe 12. E maɓɓe no tawa Oumar Sissoko Embaló, hooreejo leydi on. Himo ɗaɓɓa manda ɗiɗaɓo. Kono fedde dawro PAIGC, ɓunde laamaade ndii leydi tawetaake e ɗii suɓngooji. Holko saabi ɗum? Taw si Fernando Dias da Costa kandidaajo mo PAIGCbambi waaway dartaade Oumar Sissoko Embaló mo pelle dawro timmuɗe 20 woni e wallude? Koɗo men hannde ko Alfa Umar Djolo, jaayndeyanke hertorɗo dawro. 

Donald Trump waawi siifude hanki sariya tammbiiɗo ngalu waawngu wallidde laamu makko gollaade haa e maayirɗe lewru gooɓuru faandu. Ɗun dartini caɗeele mawɗe wonannde ɓee ujune gollooɓe e guwernemaa oo. Jantoore Thierno Modoumba.

France ene siftora hannde alkamiisa 13 lewru sappo e gooɓuru, duuɓi 10 sappo ko njannguuji mbaɗno to Paris e Saint Denis e hitaande 2015. Ko yimɓe 132 maayi e mum, 350 keɓi gañanɗe. hen njanngu wooturu toɗɗino ko stade de France e kikiiɗe pottital kippu mo France e Allemagne. ɗee baɗe ene lutti heddaade e hakkillaaji Faransinaaɓe. Jaŋtoore Thierno Moussa Bah

Oorgal suɓngooji hooreyaaku leydi ndi e ɗi sarɗiyankooɓe ene jokki to Guinee Bissau. Kandida lannda APR, ɓurɗo famɗude duuɓi e ƴamooɓe lefol laamu ngu hono Mamadou Yaya Diallo, yuɓɓini hanki dental mum politik to Gabou. Diwan gonirɗo fuɗnaange leydi ndi, hakkunde mum e laamorgo ngo ko kilometeruuji 200.

Caggal ɓaŋŋingol doggol gadingol kandidaaɓe yiɗɓe ƴamde lefol laamu ngu, hanki suudu ñaawirdu toowndu ndu yaltini doggol cakkitiingol ngol. Njeenayo adinooɓe yaltineede ɓe, ko ɓeen laati kandidaaɓe e suɓngooji hooreyaaku ɗii 28 lewu 12ɓuru faandu. Hayi sappo e njeetato wullitinooɓe ɓe, keɓaani jaɓaneede. Jaŋtoore  Mamadou Diongassi BAH.

Ko timmi siwileeɓe 21 ngoni ko mbara e fiyannde dron konu Burkina Faso altineere ƴaɓɓiinde nde e ley wuro Ɓuloy Cuuli. Ngoo wuro seraaji Gorgadji e ley diiwal Sahel. Ko waldaa e ɗum, e puɗɗooɗe yontere nde, piyanɗe jihaadiyankooɓe keewɗe taykaama e ley diiwal hakkundere naayaade fuɗnaage e fuɗnaange leydi ndi. Ko ɗum laati sabaabu maayde vdp en e siwil en heewɓe, ɓee limoore mum en timmunde heɓaaka. Jaŋtoore Boly Ba

Algerie jaɓi ɗaccitde winndiyanke ɓiɗɗo leydi France e Algerie, Boualem Sansal e naamndagol Allemagne. ɗuum ko ngam o waawa safroyaade. Woni jooni hitaande omo uddaa to Algerie.   Jaŋtoore Olel Tall

Lesdi Naajeeriya hawti hoore e lesdi Amerika e ndi England, dow tabitinnde yimɓe marɓe Juuɗe haa haala taabahi (lekki) Cocaine ɗuuɗki sanne nanngaaki haa galluure Lagos nanngaama kiitaama. Kubaruuji pamtini dow timmoode asaweere saaliinde, fedde honoore yeeyol e huutinirde leɗɗe kaɗaaɗe nde NDLEA haa Naajeeriya, anndini haala nanngude taabahi cocaine haa riftorde laanaaje ndiyam nde Lagos. ‎ ‎Ndaa Jantoore Yaa'u Ciwto Gemmbu

Hannde e alarba ñannde 12, 11ɓuru, yewtere men no nawra en Gine. Ko habbanoo gila duuɓi 30 laatike. Ardiiɓe laamu faddewu fampike hanki golle ndee oogirde simandu ɓurnde e mawnude e nder adunaaru nduu e oogirɗe to janɗe asetee. Sosiyeteeji Rito Tinto e Consortium Winning e nder gollidal Guinée assay hitaande kala janɗe toonuu miliyon 120. Fii adugol ɗee oogirɗe, ko timmi kilomeetre 650 raayi waɗaama itti fud-naange haa hirnaange Gine. E bi’ol hooreeɓe ɓen, Simandou saaboto sincangol ginenaaɓe ujunu ujune gollirɗe, wondude e haɓugol baasal e ɓamtugol faggudu leydi ndii. E miijo mon ko holɗum ngoo fello Simandou anndanta Gine? Hiɗon miijii wonndema ɓiɓɓe leydi ndii dañay nafa Simandou?

Pooɗondiral teskaama e nder lannda Pastef, hono hooreejo leydi ndi Bassirou Diomaye FAYE e mawɗo jaagorɓe mum Ousmane SONKO. Ɗuum ummorii ko e ceeral ji'anɗe e ngardiigu kawtal lanndaaji bi'eteengal "Diomaye Président", lamminngal Bassirou Diomaye Faye e suɓngo hooreyaagu Senegal e hitaande 2024. Jaŋtoore Oumar Mamadou SOW

Sylvia Bongo debbo Ali Bongo Odimba hooreejo kiɗɗo Gabon e Noureddine Bongo ɓiɗɗo makko cokaama kaso duuɓi noogas hanki to Libreville laamorde leydi ndi. Ndee ñawoore waɗii e dow luuteede maɓɓe hayi awokaaɓe maɓɓe tawaaka. Eɓe ñaawira sabu sabu njiiɓu jaawdi

E oo taskaram Kiwal taarindi en yewtay ko yowitii e jonnde adunyankoore yowitiinde e mbayliigu weeyo cop 30 udidtnde gila e altene to Belem leydi Bresil. E ndee Jonnde jokkaynde haa ñannde 21 nduu lewru hooreeɓe leyɗe e guwerneman hewɓe, pelle sosiyete siwil e daraniiɓe taariindi tawtoraame e mayre. Ko addo uditnde jonnde hooreeɓe leyɗeelemottndirno e nder ɓlaɗe ɗiɗi. E ngal tumbondiral hooreejo Bresil Lula Dasilwa hollituno peeje ko feewti e ballal ngam reenude laddeeji walla buruuji ɗin.Ko honno ɗen peeje siforii ? Mbelle ɗe waawi haɓude no haanirtanii cumu ladde wallareenude buruuji ɗin ? Ngam yewtude e dow ɗee toɓɓe en bismoto koɗo men Abdoulaye BAH ardiiɗo AGOREC,fedde daraniinde kiwal taariindi. Kono ko adii en heɗoto jantoore Thierno Muusa BAH kofeewti e ngal pellital ngal Lula Dasilwa holliti. Ka joofingol en bismoto Fatuma Kante daraniiɗo kiwal taariindi tawaaɗo e ƴettooɓe konngol e ndee jonnde Kop30 Ko nii woni mbaadi yewtere men.

Kandida GABRIEL NDII, e ballal lannda mum PUSD, ne ɗaminii si tawii mbo suɓaama ñande 23 11ɓuru, o daranoto ƴellitgol faggudu leydi ndi. Kadi o wallitoto dimɗingol sariya, ngam ñaawoore rewnde laawol waawa wonande yimɓe ɓe fop.  Kono ɗum waawi wonnde yo ko nde deeƴre dawro ñiiɓi.

Fewdo hannde, hiwugol hunndaari ndin ko huunde aaninde neɗɗanke e nder winndere nden fow. Ko sabu ɗun Mamadou Boussiriou DIALLO, ɓiɗɗo Gine daakinooɗo leydi SUISSE ƴetti pellital artugol leydi Gine ngam hiwugol hunndaari ndin. Golle makko ko moƴƴintingol piiji haykaaɗi wano poore, biini, bidon e ko nanndi e mun. Kono alhaali on hino ɲakki fota to Gine. Jantoore Jonngasi BAH

E ñalaande ɗiɗaɓere jonnde winndereyankoore yowitiinde e mbayliigu weeyo to Belem, leydi Bresil, ardiindi ngal kawrital no e caɗeele heɓude nanondiral hakkunde leyɗe tawtoraade ndee jonnde.

Gila e kulhuli Leere haa e jam gartiraaɗo ko ɗum woni seedantaagal mooliiɗo Mauritanie uwruɗo Mali na hollita nafoore ballal nguura to Moritani. Caggal nde ɓe ndogi fitinaaji seɓɓitiiɓe, ɓesnguuji ɗii ine tawee to daakorde Mbeera, wonaa tan nafoore heɓugol geɗe ɗe ɓe katojini ɗee, kono ko heɓugol kisal ngal ɓe cokli ngal.

Hannde Senegal no tawaa e leyɗe Afrik ɓurɗe ñawlaade. Ko saabii ɗum ko ñamaande nde laamu faltiingu leydi ndii suuɗi, e bi'ol ardiiɓe Senegal. Fedde ñawloore kaalisi FMI nantini wonndema e taariika Afrik wano ndee ñamaande suuɗaande ɗoo meeɗaaka yi’eede. Ndee ñamaande laatanike faggudu Senegal satteende mawnde, ko ɗum si guwerneman on no ɗaɓɓirde kaalisi hen fow. Kono haa hannde, ardiiɓe Senegal ronku heɓude ñamaande wonnde e juuɗe FMI. Hol saabii ɗum ? Si hawri Senegal heɓaali kaalisi e ɗii lebbi arooji ɗoo, ko holno faggudu leydi saatii wa’ude ? Koɗo men hannde ko Abdourahmane Ba, fagguduyanke. Himo jaaboo lamnde Ibrahima Timbi Bah....

Laamu Guinee e gollidiiɓe mum (Winning Consortium Simandou e Rio Tinto Simf) fampike golle fello oogirde Simandou hanki ka pooru Moribaya laamorde falnde Forecaria. Ko yahata e miliyaruuji 20 kaalisi dolaar gollirtee e ndee eɓɓore ndee hilifaaɓe leydi ndi nginniri « laawol faade e ɓamtaare ». ɓe nganndini wonnde ko ndee eɓɓoore wonata ɓurunde mawnude e baŋŋe hirnaange Afrik.