Upprifjun á Skyrim kenndi mér (aftur) að leikurinn er ein stærsta epík allra bókmennta þessarar aldar og tekur á nær öllu í mannlegri tilveru, til hins betra eða verra.

Ég er sem sagt að safna öllum bókum og ostahjólum og er að máta mig við Stormcloaks.

Tilvistarhryllingssmásögur með sterka skírskotun (mikilvægt) inn í samtímanm fyrir næstu hrekkjavöku er held ég besta hugmynd sem ég hef fengið og hef sjálfur engan tíma til að sinna.

"Ja, Dagur íslenskrar tungu var svo að segja ágætur en veistu Stefán, ég get ekki þennan ungdóm með náhvítu orkudrykkjatungurnar sem hossast í munninum eins og selur á landi, ég bara get þetta ekki lengur. Hvernig er að búa á þarna Kanarí, Stefán?"

Ótrúlegasta símtal sem ég hef aldrei heyrt.

Innreið frambjóðenda á skýið eftir 3... 2... 1... og verið ❤ velkomin.

Fernt:
1. Fá að borða annað en sykur, aukaefni og transfitu í verðbólgu.
2. Keyra annað en bensín og dísel.
3. Menntun sem miðar að innri tilgangi, virðingu og samvinnu, ekki kassapraktík og hagvexti.
4. Heilindi í starfi, takk.

HVAR ER HÁALEITISBRAUT? maður um sextugt með húfu í sendiferðabíl. Ég berst í bökkum við storminn með barnavagn. Hef ekki vísað veginn síðan ég bjó útá landi. Hvað þá veg sem er bara, þú veist, þarna.
HÆGRI SVO VINSTRI, hrópa ég og vek strákinn.
ÓKEI. Hann tekur U-beygju. SAGÐIRU VINSTRI SVO HÆGRI?

Columbia anorakkur - what a concept. Flíkin sem græjaði stórfjölskylduna fyrir klink úr Rúmfó, alltaf á afslætti. Eins og að klæðast tjaldi. Those were the days.

Mætti fjórum tímum of seint á hvalveiðimótmælin með litla minn. Hann horfði á mig og ég heyrði hann hugsa: Þú reyndir, pabbi. Það er það sem skiptir máli.

Fólk utan af landi tekur náttúrunni sem sjálfsagðri; lifir og hrærist með náttúrunni í harmóníu, finnur sterkt fyrir mætti hennar í strjálbýlum skálkaskjólum. Borgarbúar afgreiða náttúruna með skyndikynnum, veiðitúrum og verðlaunaupplifunum íklædd "landsbyggðaroutfiti". Enginn veit hvað það þýðir.

Til er fólk lengst úti á landi, barnafólk, sem talar um sjálfsvinnu eins og hún sé slæm. Að hún sé sjálfselsk sem sé engum hollt.

Sammála.

Langaði bara að deila ljóði til ástarinnar minnar og barnsmóður sem er samið á ritvél ❤

Var að landa geggjuðu sumarstarfi, stritvinna úti í náttúrunni, gerist það betra? Get loksins staðið upp frá skrifborðinu og þú veist, unnið almennilega vinnu. Þessi 2900 tré fella sig ekki sjálf.

Sorrí, en djöfull sökkar þetta app.

Sá herþotu fyrst fljúga yfir leikskólann í Stykkishólmi 1996. Mikið sjokk fyrir barnið mig, heimsmyndin víkkaði hratt út fyrir Breiðafjörð.

Í dag svaf minn 10 mánaða í gegnum allt saman. Ótrúlegt hvað æskan hefur breyst, er ekkert að spá í neinu lengur og vita ekkert hvað við eldri höfum þurft að

Í sumar sló ég kirkjugarð, aldrei þessu vant. En þú?

Hér sé snuð.