Saioa Alkaiza ha rechazado el Premio Igartza para "denunciar la implicación de CAF en el genocidio que se está llevando a cabo contra el pueblo palestino". La empresa fabricante de trenes es la princi...

Jasanezina bilakatu da Gaza hiriko egoera. Israelgo armada atzo gauetik etengabe ari da hango etxebizitzak eta kaleak bonbardatzen, eta, Al-Jazeera hedabideak kaleratu duenez, droneen eta hegazkinen hotsak ozen entzuten dira bertan. Gaza hiriko palestinarrak zabor eta hondakinen artean janari eta aterpe bila ari dira.  Horiek horrela, Gaza hiriko herritarrak ihesean ari dira, Israelen inbasio planak behartuta, hegoalderantz. Asteartean onartu zuen Israelgo Defentsa ministro Israel Katzek Palestinako hiri handiena okupatzeko plana, eta Israelgo armadak atzo azaldu zuen 60.000 erreserbista irail hasieran zerrendara deituko dituela, operazioa martxan jartzeko. Urriaren 7rako hustu nahi du Israelgo lehen ministro Bejamin Netanyahuk Gaza hiria, setioa hasi eta bi urtera; eta iheslariak zerrendaren hegoaldean nora eraman aztertzen ari dira oraindik, Tel Aviven arabera.  Nazioartea gogor saiatu da Israel estutzen, plana aurrera eraman ez dezan. Europako Batzordeak, esaterako, okupazio plana gaitzetsi du gaur, eta Israelgo Gobernuari horrek ekar dezaken ondorioei burun inguruan hausnartzeko eskatu dio. Europako Batzordeko bozeramaile Arianna Podestak egin ditu adierazpen horiek, egunero eman ohi duen prentsaurrekoan. Bestalde, Europako Batzordeko Atzerri zerbitzuetako bozeramaile Anitta Hipperrek EB Europako Batasunak Gazaren sarraskiaren inguruan «jarrera argia» duela esan du, eta «inongo aldaketa territorialik edo demografikorik» onartuko ez dutela azpimarratu du.    Hala ere, Israelgo armadako bozeramaile Effie Defrinek atzo iragarri zuen Gaza hiriko okupazioko lehen fasea jada martxan dagoela, eta, hortaz, hiriburuaren aurkako erasoak areagotu egin dituzte. Ordutik, EFE berria agentziaren arabera, gutxienez orduero egin dio eraso Israelgo armadak hiriari, eta Zeitun auzoan —hegoaldean— eta Jabalia herrian —iparraldean— tropak pilatzen ari dira, inbasioa noiz abiatuko den zain —defentsa kabineteak aste honetan onartuko duela espero da—. Hala jakinarazi du EFEk, herritarrak iturri hartuta. Zenbait hedabideek jakinarazi dutenez, azken egunotan Gazako hiriburuan gutxienez 30 pertsona hil dituzte egunero, Israelen bonbardaketak gogortzearen ondorioz. Hirian milioi bat pertsona geratzen direla uste da, eta gainerako palestinarrak hegoaldean metatzen ari dira. 2,1 milioi palestinar daude Gazako zerrendan gaur egun, eta, sarraskia hasi zenetik, 62.192 pertsona hil ditu Israelgo armadak, Gazako Osasun Ministerioak kaleratu duenez. 16.000 Zenbat palestinar desplazatu diren Gaza hiritik azken egunotan. NBEk kaleratutako datuen arabera, 16.000 palestinarrek egin dute ihes Gaza hiritik abuztuak 12tik 20ra bitartean.Israelek egindako erasoek Gazako hiriburuko herritarrak hegoalderantz ihes egitera behartu ditu.  Hala ere, hegoaldeko egoera ez da segurua gazatarrentzat. Azken orduetan, gutxienez, 27 palestinar hil ditu Israelek han; horietatik zortzi laguntza humanitario bila zihoazela.  Egoera horren harira, Egiptoko Atzerri Ministerioak, ohar baten bidez, Gaza okupatzeko Israelen plana gaitzetsi du, «palestinarren legez kanpoko okupazioa sendotzeko urrats berri bat eta nazioarteko zuzenbidearen urraketa nabarmena» dela esanez. Gainera, su-eten bat adosteko bitartekariek egindako proposamena aintzat ez hartzea leporatu dio Egiptok Israeli: «[planak] Erakusten du Israeli ez zaizkiola axola su etena ezartzeko bitartekariek egindako ahaleginak». Hamasek, berriz, astelehenean onartu zuen su-eten proposamena; hala, Israelek baiezkoa emanez gero, 60 eguneko menia ezarriko litzateke, Hamasek hamar gatibu askatuko lituzke eta jada hilda dauden hemezortzi bahituen gorpuak bueltatu. Trukean, Israelek 200 preso palestinar itzuliko lituzke, eta Israelgo tropak zerrenda iparraldetik eta ekialdetik aterako lirateke; laguntza humanitarioa «masiboki» sartzen uzteaz gain.  NBEko idazkari nagusi Antonio Guterres ere Gazako egoeraren inguruan mintzatu da, eta su etena ezartzea «ezinbestekoa» dela azpimarratu du, gaur bere sare sozialetan kaleratutako ohar batean. Horretan, «Gazaren aurkako operazio militarrak eragingo lituzkeen heriotza eta suntsipen masiboa» saihestu behar direla adierazi du. Oharra Afrikako Garapenari buruzko Tokioko Nazioarteko Konferentziako prentsaurrekoaren ondoren kaleratu du, non Guterresek NBEko Segurtasun Kontseiluaren erreforma bultzatzeko beharraz hitz egin duen. «Superpotentzien banaketa geopolitikoa» dela eta, «gatazka horiek guztiak amaitzeko beharrezkoa dena» adosteko gai ez direla izan azaldu du, eta Palestinako setioa, Ekialde Hurbileko krisia eta Ukrainako gerra aipatu ditu, besteak beste  

La organización humanitaria Human Rights Watch documenta los abusos en tres centros de detención de inmigrantes de Florida

Las tropas israelíes rodearon la zona, donde miles de palestinos se habían reunido intentando llegar a un centro de distribución de alimentos, y comenzaron a disparar contra la multitud, según testigo...

La ministra de Juventud e Infancia pide a la Fiscalía General del Estado que actúe para que se respeten los derechos de Daniel

Israel mata a más de 500 palestinos en los últimos cinco días en Gaza: Esta misma mañana, al menos tres personas han muerto en el bombardeo israelí contra la Iglesia de la Sagrada Familia, la única pa...

Lurraldeko erresidentzietan eta eguneko zentroetan 5.000 langile daude, eta horietako %40k borondatezkoak ez diren kontratu partzialak dituzte. Aldundiari dagokion ardura hartzeko eskatu dio ELA

La doctora Alaa al Najjar se despidió de sus diez hijos antes de salir de casa para ir a trabajar al Hospital Nasser. Solo ha sobrevivido al ataque israelí uno de sus hijos y su marido; ambos heridos

Los primeros camiones de ayuda humanitaria han entrado a la Franja, pero no ha podido ser distribuida aún. La ONU advierte de que 14.000 niños están en riesgo de sufrir desnutrición severa en los próx...