Sonur: "Mamma það var lamborghini í matinn í skólanum í dag!"
Ég: "Lamborghini...?"
Sonur: "Jább!"
*Ég kíki á matseðilinn*
Ég: "Þetta heitir lambagúllas!"

Vel gert Styrkur sjúkraþjálfun!

Einhver missti 4kg lóð á hausinn á mér í ræktinni áðan og ég er mikið að spá í afhverju ég er ekki bara alltaf heima hjá mér.

Það eru engir sem gera meira creepy grasker en 6 ára börn.

Þriggja ára sonur minn byrjaði daginn á að strauja. Ekki ætla ég að gera það. #kvennaverkfall

Önnur kisan mín var svæfð í fanginu á mér á fimmtudaginn og ég er búin að vera svo mikil tilfinningaterta síðan. Ég á fleiri dýr, en það er bara gat á heimilinu.

Var að fá senda hópmynd af leikskólanum þar sem kennarinn er að lesa fyrir hóp af börnum. Öll börnin sitja stillt og prúð og hlusta og reyna kannski að sjá á myndirnar.
En minn maður?
Hann er að stela inniskónum af kennaranum.

Neyðist til að horfa á heimildarmynd um flóðhesta í kvöld því að hundurinn minn er alveg límdur við skjáinn.

Þriggja ára sonur minn fór allt í einu að syngja Blitzkrieg Bop með Ramones og ég hef ekki hugmynd um hvernig hann ekki bara heyrði þetta lag, heldur lærði líka textann 😮🤔

5 ára sonur minn er algjör harðstjóri þegar kemur að bíóferðum. Það er stranglega bannað að borða popp fyrr en myndin byrjar... Og ég sit hérna bara og stari á stútfullan popp pokann 🥺

Nú þegar elsti guttinn minn er byrjaður í grunnskóla er kominn nýr ótti í mömmuhjartað... Að einhverjum finnist við ekki pakka nógu hollu nesti í skólann.
En þúst í alvöru? Róast þessi foreldra geðveiki ekkert? Verður maður bara stressbolti út ævina? Ég var ekki einu sinni kvíðin fyrir barneignir.

Mér finnst mjög gaman að kaupa allskonar drasl. Mikið skemmtilegra en að henda drasli. Þetta hefur ekki reynst mér farsælt veganesti út í lífið.

Vel gert Stöð 2 Fjölskylda að skella Cable guy á, í hádeginu á laugardegi um leið og barnatíminn er búinn 🐵

Ég var að fara í gegnum og henda upp úr gömlum kössum úr geymslunni. Fann þennan inn í bók. Ætla aldrei að borða nammið mitt upp úr neinu öðru.

5 ára sonur minn er að hjálpa mér að tína rifsber svo við getum gert sultu.
Sonur: "Mamma! Eitt berið kramdist þegar ég var að tína það!"
Ég: "Það er allt í lagi, það gerist."
Sonur "Já, það rakst aðeins í tönnina á mér."
...Eins gott að það eru margir rifsberjarunnar í garðinum hjá mér.

Þriggja ára sonur minn horfði hugsi á mig tæma um álfabikarinn og setja hann aftur upp.
"Svona ég er búin" sagði ég.
Hann horfði þá skælbrosandi á mig og sagði "Dugleg mamma!"
Hef aldrei fengið jafn mikið pepp í svona stúss.