ရခိုင်ပြည်နယ်မြောက်ပိုင်းမှာ စစ်ကောင်စီတပ်တွေ စခန်းချခဲ့တဲ့ အဆောက်အအုံမှာ ကမ္ဘာ့စားနပ်ရိက္ခာအဖွဲ့ (WFP) တံဆိပ်ပါ ရိက္ခာအိတ်တွေ တွေ့ခဲ့ရပြီး လူထုအတွက်အကူအညီအပေါ် အလွဲသုံးစားလုပ်တာကို လက်ခံနိုင်စရာမရှိဘူးလို့ WFP က ဒီဇင်ဘာ ၁၈ ရက်နေ့မှာ ထုတ်ပြန်ပါတယ်။

မောင်တောအခြေစိုက် အမှတ် (၅) နယ်ခြားစောင့်ရဲတပ်ဖွဲ့ခွဲကို အာရက္ခတပ်တော် (AA) က ဒီဇင်ဘာ ၈ ရက်နေ့မှာ သိမ်းပိုက်လိုက်ပြီးနောက် WFP ဆန်အိတ်ထောင်နဲ့ချီပြီး တွေ့ခဲ့ရတာလို့ Arakan Bay News က ဒီဇင်ဘာ ၁၃ ရက်နေ့မှာ ဖော်ပြခဲ့တာပါ။

■ “ပိုက်ဆံမတောင်းစားချင်လို့ ဒီလိုမျိုးလုပ်စားတယ်ဆိုတော့ အားလုံးက ဂုဏ်ယူကြတာပေါ့။ အဲဒါကြောင့် အားပေးတဲ့သူက များပါတယ်။ ဧည့်သည်အများဆုံးက အဲဒီလိုပဲ အားပေးကြတာပေါ့”

အသက် ၄၂ နှစ်ရှိပြီဖြစ်တဲ့ ကိုကျော်ကျော်ဟာ ၁၇ နှစ်သားအရွယ်မှာ မတော်ဆမှုတစ်ခုကြောင့် ခြေထောက်တစ်ဖက် ဆုံးရှုံးခဲ့ရပါတယ်။ ဒါပေမဲ့ ဘဝကိုအရှုံးမပေးဘဲ ဒဂုံမြို့သစ် အရှေ့ပိုင်းမြို့နယ် ရွာသာကြီးရပ်ကွက်ကနေ ရန်ကုန်မြို့လယ်မှာရှိတဲ့ ဝန်ကြီးများရုံးကို နေ့တိုင်း ဘတ်စ်ကားနဲ့သွားပြီး အလုပ်လုပ်နေတာ နှစ်နှစ်ရှိပါပြီ။

bu.rfa.org/birdseed

■ ရခိုင်ပြည်နယ် မောင်တောမြို့နယ်မှာ ကျန်နေတဲ့ စစ်ကောင်စီ နယ်ခြားစောင့်တပ်ဖွဲ့ခွဲ (နခခ ၅) ကို အာရက္ခတပ်တော် (AA) က ဒီဇင်ဘာလ ၈ ရက်နေ့မှာ သိမ်းပိုက်လိုက်ပြီးနောက် ဘင်္ဂလားဒေ့ရှ်နယ်စပ်တစ်လျှောက်လုံးကို AA ကထိန်းချုပ်လိုက်ပြီလို့ မြို့ခံတွေက ပြောပါတယ်။

အတည်မပြုနိုင်သေးတဲ့ သတင်းတွေအရ ထွက်ပြေးသွားတဲ့ စစ်ကောင်စီ တပ်မမှူး ဗိုလ်မှူးချုပ်သူရိန်ထွန်း အပါအဝင် စစ်ကောင်စီတပ်သားတွေ၊ ARSA အဖွဲ့ဝင်တွေကို ဒီဇင်ဘာလ ၈ ရက်ညနေပိုင်းမှာ AA က ဖမ်းမိထားပြီလို့ မောင်တောဒေသခံတစ်ဦးက RFA ကို ပြောပါတယ်။

■ ကချင်လွတ်မြောက်ရေးအဖွဲ့ (KIO/KIA) ဥက္ကဋ္ဌ ဗိုလ်ချုပ်ကြီးအင်ဘန်လ ဦးဆောင်တဲ့အဖွဲ့ဟာ ဒီဇင်ဘာလ ၈ ရက်နေ့ကစပြီး တရုတ်အာဏာပိုင်တွေနဲ့ တရုတ်နိုင်ငံမှာ သွားရောက်တွေ့ဆုံ ဆွေးနွေးနေတယ်လို့ KIO သတင်းနဲ့ပြန်ကြားရေးတာဝန်ခံ ဗိုလ်မှူးကြီးနော်ဘူက RFA ကို ပြောပါတယ်။

ဗန်းမော်နဲ့မံစီမြို့တွေမှာ စစ်ကောင်စီနဲ့ တိုက်ပွဲပြင်းထန်နေချိန်မှာပဲ အခုလို တွေ့ဆုံတာပါ။ မြေရှားသတ္တုထွက်တဲ့ ချီဖွေ၊ ဆော့လော်၊ ပန်ဝါနဲ့ ကန်ပိုက်တီမြို့တွေ အပါအဝင် ကချင်ပြည်နယ်နဲ့ ရှမ်းပြည်နယ်မြောက်ပိုင်းက မြို့ ၁၃ မြို့ကို KIA က ထိန်းချုပ်ထားပါပြီ။

■ ပေါ့ဒ်ကတ်စ်ဆိုတာ အသံလွှင့်ချက်တွေကို ကွန်ပျူတာ၊ ဖုန်း၊ တက်ဘလက်… စတာတွေမှာရယူပြီး အဆင်ပြေတဲ့အချိန် နားထောင်နိုင်တဲ့စနစ်ပါ။ အားသာချက်ကတော့ လမ်းသွားရင်း၊ ကားစီး ရထားစီးရင်း ကိုယ်ကြိုက်တဲ့အစီအစဉ်ကို အဆင်ပြေသလို ရွေးချယ်နားထောင်နိုင်တာပါပဲ။ RFA app - iPhone နဲ့ Android နှစ်မျိုးလုံး ရနိုင်ပါပြီ။
smarturl.it/RFAburmeseapp

နေ့စဉ် အသံလွှင့်အစီအစဉ်တွေ၊ အပတ်စဉ်အစီအစဉ်တွေကို RFA App အပြင် 👇 Apple နဲ့ Spotify 👇 မှာလည်း နားဆင်နိုင်ပါပြီ။

မျိုးဆက်သစ်လူငယ်နဲ့ ဖက်ဒရယ်အနာဂတ်
(RFA အထူးအစီအစဉ်)

■ မြန်မာနိုင်ငံမှာ လက်နက်ကိုင်တိုက်ပွဲတွေ တောက်လျှောက် ဖြစ်ပွားနေပါတယ်။ အာဏာသိမ်းစစ်တပ်ကို နိုင်အောင်တိုက်ဖို့ မဖြစ်နိုင်ဘူးလို့ အများက ယူဆခဲ့ကြတာပါ။ ပြီးခဲ့တဲ့နှစ်အတွင်း စစ်ကောင်စီတပ်တွေနဲ့ တိုက်ပွဲတွေမှာ တော်လှန်ရေးတပ်ဖွဲ့တွေ တောက်လျှောက်အနိုင်ရခဲ့ကြပါတယ်။ ဒီတပ်ဖွဲ့ဝင်တွေအကြောင်း၊ သူတို့ရဲ့ အနာဂတ်မျှော်လင့်ချက်တွေနဲ့ ပတ်သက်လို့ RFA က သွားရောက်တွေ့ဆုံ မေးမြန်းခွင့်ရခဲ့ပါတယ်။

RFA Website တွင် အပြည့်အစုံကြည့်ရှုရန် - bu.rfa.org/gen-z

စစ်ခေါင်းဆောင်ကို ဖမ်းဝရမ်းထုတ်ဖို့ ICC ရှေ့နေချုပ်တောင်းဆို
~~~
■ ရိုဟင်ဂျာတွေအပေါ် ကျူးလွန်တဲ့ ရာဇ၀တ်မှုတွေအတွက် မြန်မာစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်ကို ဖမ်းဝရမ်းထုတ်ဖို့ အပြည်ပြည်ဆိုင်ရာ ရာဇဝတ်တရားရုံး (ICC) ရှေ့နေချုပ် ကာရင်အာဆက် အာမက် ခန် (Karim AA Khan) က ၂၀၂၄ နိုဝင်ဘာလ ၂၇ ရက် ဒီနေ့ လျှောက်ထားလိုက်ပါတယ်။ bu.rfa.org/icc-mal

ICC ထုတ်ပြန်ချက် (မြန်မာဘာသာ) ဖတ်ရှုရန် - bu.rfa.org/icc-bur

Photo: Reuters