ضيعت ١٢ سنة من عمري وانا محروم من أكل نابلسية و مدلوقة من عند البيك و شامية.

الشعب السوري ضحية.
ضحية بكل معنى الكلمة.
شعبنا ضحية.
حاج تسبوا الشعب
حاج نظرة دونية للناس.
و الحرية و الديمقراطية بتلبقلنا و بتلبق لشعبنا.
خلوا الناس تتعلم خلوها تعيش اللحظة تعيش كل شي خلوها تغلط خلوها تكتشف غلطها خلوها تصححو خلوها تشكل وعيها خلوها تعيش هي هلأ مانا عايشة اصلاً.

بالشام في كل شي حرفياً كل شي شو عبالك في بس مافي مصاري مع الناس للأسف.
على قد فرحي على قد حزني و أسفي على الناس ويلعن روح الاسد كل لحظة.
احوال الناس بتخليني يزيد يقيني بضرورة العمل و الشغل و الشغف بلا توقف وانقطاع بخليني ما اهدا وانا شجع كل شب و صبية ينزلوا و يعطوا كل شي عندن كل خبرة وكل علم لهالبلد

حرمني بشار الأسد من الشام ١٢ سنة و قد ما بقيت عم امشي فيها ماعم اشبع منها ولا عم تخمد نار شوقي الها و لكل تفصيلة من تفاصيلها
الشام يمكن تعبانة و بائسة هلأ و مع هيك حلوة و مع هيك فيها بركة و مع هيك في حنية في شي ما حسيتو ولا بمكان بالعالم
حلمت كتير بس طلعت القصة احلى من الحلم بذاتو
الله يرحم شهدائنا

احلى من الحلم 🇸🇾

لما تبدأ تتابع مستخدمين تويتر الي بحسابك على بلوسكاي