Xaneiro é o mellor momento para comezar a controlar as economías familiares. Fica aquí a miña recomendación.

Un moi saudábel, moi feliz e moi próspero 2026 para todos.

E falando de cousas caras… non, YNAB non é unha aplicación barata. Eu amortizo sobradamente cada euro que vale, pero pode que non todo o mundo o considere así.

De agasallo: informes e gráficas sobre os teus gastos e ingresos, que sempre axudan a descubrir cousas. Case todas do tipo de "Pero %#!@!!!, de verdade gasto tanto diñeiro nisto?".

A conclusión é sempre a mesma: todo é demasiado caro. Pero polo menos agora estará, até onde se poida, baixo control.

A partir de aí, YNAB vai axudarche a entender mellor canto che custan todas esas cousas cada mes (incluso as fraccións dos gastos anuais) e polo tanto por onde escapaba o diñeiro.

E sobre todo vai evitarche sorpresas desagradábeis, polo menos todas as que se poden evitar.

Os conceptos? Os que queiras, é totalmente flexíbel para organizarte como queiras, a máis ou a menos nivel de detalle.

A idea é que sexas quen de incluír nos teus obxectivos todos os teus gastos mensuais, trimestrais ou anuais. E estimacións realistas sobre os irregulares que poderías ter.

Trabállase tanto en web (máis cómodo para sincronizacións longas e configuración) como na app do móbil (cómodo para apuntar gastos e ver cantidades dispoñíbeis), e a idea é que antes de faceres un gasto poidas ver canto diñeiro tes dispoñíbel ese mes para ese concepto.

Como YNAB non se integra automaticamente cos bancos de aquí (e eu non querería que o fixese), require certa constancia para ir cada pouco (poucos días, quizais cada semana) sincronizando os movementos da conta corrente e apuntando os gastos. Idealmente cada día, pero para min iso é pouco realista.

Ollo: isto non quere dicir que non poidas deixar diñeiro reservado para caprichos ou compras impulsivas 😅. A diferenza é que vas incluír ese diñeiro reservado no orzamento, de maneira explícita. Así non sairá de partidas das que non debería saír.

E o de que todo euro estea asignado choca, pero ten unha razón: non hai diñeiro libre, sen obxectivo. Claro que un obxectivo pode ser "aforro" pero entón queda claramente asignado aí.

Deste xeito non hai diñeiro que se poida usar sen máis en cousas innecesarias porque "total non se necesita".

O da única conta corrente ten sentido porque é o orzamento o que che marca para que tes asignada cada cantidade de diñeiro. Eu igualmente acabei por usar dúas, mantendo unha de aforro remunerada para eses proxectos de gasto de curto/medio prazo. Pero todo o demais resumino nunha única conta.

O concepto de YNAB choca moito co que adoitamos estar afeitos, principalmente en dous puntos:

1. Que desbota o uso de varias contas correntes: podes usalas se queres, pero é máis incómodo. Con unha chega.

2. Todo euro que entra ten un "traballo". Non pode existir diñeiro sen asignar a algo.

Finalmente comezamos a usar unha aplicación de orzamentos persoais. Buscando e comparando moitas, acabamos en YNAB: www.ynab.com

Dous anos despois, e a risco de parecer patrocinado, non podo deixar de recomendalo.

O seguinte paso é ter varias contas correntes para distintos tipos de gasto, e andar a mover os cartos dunhas ás outras. Usalas como os famosos "sobres" onde se metían os gastos reservados para cada cousa despois de cobrar cada mes.

Pero isto é incómodo e igualmente pouco práctico a longo prazo.

Un primeiro paso adoitan ser as típicas contas de aforro que ofrecen os bancos: o diñeiro que vai para alí non se toca salvo en proxectos de gasto moi concretos.

Non funciona. Esas contas dan ás veces algún rendemento (mínimo), pero é da outra conta, a de uso corrente, de onde escapa o diñeiro.

Obviamente podían mirarse os movementos da conta corrente dos últimos meses, pero iso axudaba pouco. Facer contas de varios meses nun contexto en que as familias teñen moitos gastos de pagamento anual e outros cíclicos pero irregulares, segue a deixar moito espazo para que escape diñeiro.

Na miña casa pasamos moito tempo a intentarmos entender por onde escapaba o diñeiro.

Estaba claro por onde entraba e canto (as nóminas) pero, por máis que sumásemos os gastos que tiñamos ou que pensásemos ter, mentalmente ou en folla de cálculo, no longo prazo sempre seguían a faltar cartos.

Eu uso hai anos Standard Notes: standardnotes.com

Non é exactamente o mesmo concepto que Evernote, e en moitos aspectos nótase por que o prezo é menor… pero si me ofrece moita máis flexibilidade que Apple Notes ou OneNote.

Fondos de pantalla de eido e horta (III)

Fondos de pantalla de eido e horta (II)