Lehen aldiz munduan, argindar gehiago sortu da berriztagarriekin ikatzarekin baino. Elektrizitate eskariaren gorakadari iturri berriztagarriekin soilik erantzun ahal izan zaio urteko lehen erdian. Emberren arabera, hamarkada hau amaitzerako energia fotovoltaikoa izango da munduan argindarra ekoizteko bide nagusia.

🗣 Usue Mori Carrascal. Adimen artifiziala eta ikuspegi soziala uztartzen ditu Usue Mori Carrascalek, eta, besteak beste, horregatik eman diote Gladys saria. Herritarrak prestatu egin behar direla ohartarazi du.

Dagoeneko digitalean ikasi (edo susmatzen) duguna: Digitala ere politikoa da. Digitalak jabeak eta ideologia(k) ditu. Digitalak egiten gaitu. Digitalak mundua eraikitzen du. Digitalak gure izate ...

Barazki, belar, espezia eta hartzitutako elikagai askoko dietak zituzten populazioek sendatzeko denbora laburragoak izan zituzten.

Onintza Enbeita: Autogorrotoa. Bikinia probatzen dudan aldiro gertatzen zait. Orain lehen baino intentsitate txikiagoan, baina gertatu orain ere. Ezin dut neure gorputza jasan. Maukarik gabeko soinekoak erosten ditut udarako, baina gero haien gainetik eramateko zerbait behar izaten dut. Ukalondoraino estali egingo nauen zerbait. Ez zait niri bakarrik gertatzen. Nire lagun lodi gehienek dituzte armairuan «gainetik» eramateko gauzak. Besteek baino arropa gutxiago kentzen dugu udan. Konfiantzarik ez dudan jendearekin igerilekura edo hondartzara joatea kosta egiten zait orain ere. Bikiniaren goiko partea kentzeaz ametsik ere ez dut egiten badaezpada: ez da niri onartzen zaidan gauza bat. Belaunak erakusteari beldurra galdu diot, egia da. Beste guztia, ordea, kostata erakusten dut; erakusten baldin badut. Umetatik esan digute gurea ez dela erakusteko moduko gorputza. Osasuna zaindu egin behar dugula esaten digute algoritmoak nahita bidaltzen dizkigun mezuek, baina nik osasun ona daukat. Ez dio inporta: proteina gehiago jan beharko nituzke, edo mendira joan, edo gimnasioan orduak egin, edo egunean otordu batzuk ez egin. Edozer. Edozer egin beharko nuke, baina ezarritako neurrietan sartzea da kontua. Eta nik ere askotan nahi izan dut sartu. Orain ere bai. Udan askotan gertatzen zait. Nire lagun argalek inbidia ematen didate. Argalegi daudenek ere bai. Inork ez dielako esango aurpegiz politak direla baina badagoela huts egiten duen zerbait, inork ez dielako parrandan ari direnean lagunak aurkezteko eskatuko, inork ez duelako jaten dutena zalantzan jarriko, inork ez dielako osasunaren izenean aholkurik emango... Gu, lodiok, ohituta gaude horretara. Eta gure gorputza ez maitatzera ere bai. Horrela eraikiarazi digute gorputzarekiko harremana: kulpaz beteta. Hitz politak esatera datozenek ere ez dute asmatzen. Haurdunaldian galdutako pisua berreskuratzen hasi naiz, eta ez nago lasai. Ez naute lasai uzten, hobeto esan. Jende askok dauka esateko zerbait, baina, gero, ondo ez nagoenean, etorriko zaizkit esaten beste inor maitatzeko norbere burua maitatu behar dela lehenengo. Kaka zaharra. Guk geure burua maitatzea nahiko bazenute ez zenigukete halako autogorrotoa iltzatuko. Eta hala ere zuek nahi baino gehiago maite dugu geure burua. Hori bai, merezi baino gutxiago beti.

Xabier Landabidea Urresti: Itxura. Android gailuetarako Aspect deituriko aplikazio bat merkaturatu dutela jakin berri dut. Izena itxura bezala itzuli genezake, eta uste dut bereziki ondo datorkiola, «adimen artifizialekin» aritzeko «sare soziala» omen baita. Hau da: zeu zara tabernako gizaki bakarra.​ Sare solipsisten etorreraz erdi txantxetan aritu gara mastodonen, baina une batez oilo-ipurdia jarri zait azalean, sinesgarria egin baitzait laster erabat normalizatzea halako burbuilak. Norbera bere baitara bilduta, jendartearen eta komunikazioaren, harremanaren eta kontaktuaren itxura osoa duen baina berez beste gauza bat den zerbitzuetara harpidetuta. Ez zait sinestezina egiten urte gutxitan gobernu, enpresa, erakunde eta iritzi-emaileon eskutik halako «tresnen» gomendioak jasotzea, «erabiltzailearen» behar eta desiretara moldatutako paisaia sinbolikoetan paseo higienikoak eman ditzagun, gure hobe beharrez, homologazio prozesu eta adin-ziurtatze guztien ondotik, noski. Azken batean nork nahi du benetako munduan, benetako jendearekin aritu. Esperientzia osasungarri eta lasaigarriagoa eskaini dezakete hizkuntza eredu handiek. Behar, desira, onar dezakezuna eskainiko dizute, eta horixe bakarrik. Giza interakzioaren esperientzia giza interakzioaren arazorik gabe. Zure kosmos sozial pertsonala. Muturreko adibidea da, noski, baina aitortu behar dut gero eta beldur handiagoa diodala munduaren itxurari.

Egunkari honen orrialdeetan bertan, bere bizian zehar, EAEko bi emaztetatik batek genero biolentzia pairatu eta pairatzen duela leitu dut. Emaitza hotz hori, menturaz, EH osora —eta urrunago ere, a...

Bizkaiko E28 koordinakundeak manifestaziora deitu du eguerdian, udalak eta BBK-k makroekitaldi bat antolatu dutelako arratsalderako. Salatu dute horrelako ekitaldiek «boikota» egiten diotela sexu e...

Ujué Agudo Psikologian doktorea da. Deustuko Unibertsitatean egin zuen tesia eta, gaur egun, unibertsitate berean dihardu. Erabaki-prozesuan —batzuetan, kontziente izan gabe—-adimen artifizialeko algoritmoek nola eragiten duten ikertzen du.

Webgune honetan, 2024-2025 ikasturtean "Adimen Artifiziala Hezkuntzan" moduluan egindako proposamenak, ekoizpenak eta ekarpenak ezagutzeko aukera duzu.