Heno ar hyd y glannau, daw i gof
chwe deg wyth o ynnau
a sain beiddgar gitarau
yn tanio awch crwtyn iau.

O'r Rhyl tu hwnt i orwelion dy fyd
fe est â'th ganeuon,
ond roedd ardal dy galon
yn gaer hud i yrfa gron.

Myn brain rwy'n ugain o hyd, yn hedeg
ar adain dychwelyd,
ond 'run yw'r ddolef hefyd
a 'leni'n 'fugazi' i gyd.

Ar-lein, mae 'na awyr las draw o hyd,
a’r awch am gymdeithas
harddach ag iddi urddas
a sŵn creu nid atsain cras.

O'u hôl bydd gwaddol ar gae,
Chwiorydd yn cyd-chwarae.