Grazas, Iria, por facerme ver isto.
E por favor: non perdas nunca a ilusión que amosas nesta foto de cativa.

Kiko da Silva
Director de
www.ogaraxehermetico.com

E hoxe, a historia continúa: Iria Aldegunde xa é toda unha autora de banda deseñada. A súa primeira obra, unha magnífica adaptación de Memorias dun neno labrego publicada por Edicións Galaxia, confirma o seu talento e anuncia un prometedor camiño artístico.

Saber que fun quen de espertar a ilusión por debuxar e facer banda deseñada nesta rapaza (e quen sabe se tamén nalgún máis dos cativos da foto) fai que o esforzo de dar aqueles obradoiros, e anos máis tarde poñer en marcha O Garaxe Hermético, realmente pagase a pena.

Isto demostra a importancia de traballar cos máis pequenos, de crear cómic para a infancia, e de ser quen de transmitirlles a paixón polo medio da narrativa gráfica.

Pensar que unha nena que no 2006 asistiu a un curso de iniciación á BD arredor do meu personaxe Fiz, o neno máis porco do mundo, e que agora, xa adulta, decidiu matricularse na escola que dirixo para aprender a profesión de historietista… iso é algo que me enche dunha alegría inmensa.

Podo asegurarvos que nese instante, ademais de sentirme vello de carallo, algo me chegou moi fondo. Ver aquela imaxe emocionoume de verdade.

Como son moitos os obradoiros que dou, nun primeiro momento non lle din demasiada importancia e quedei só cun sorriso. Dou moitos obradoiros e pareceume algo normal.

Pero o outro día amosoume esta fotografía… e foi entón cando reparei en que, cando estivo naquel obradoiro, ela só tiña 6 anos.