النظرة الشعبية تجاه الجماعة تغيرت بشكل ملحوظ بعد حروب اعلامية وسياسية طويلة وتشكلت هالة حولهم تقف ضد اي ادراك للشكل الحقيقي الذي وصلت له الجماعة بعد كل تلك السنين، لكن مع الأسف جيل المحاربين القدماء مصر على عدم أحداث اي تغيير في الهيكلية التنظيمية الشيء الذي يدعوا له الكثيرين من المحبين قبل الاعداء

المشكلة كتير من هدول المحللين ما بيعرف حتى خريطة سوريا

من زمان منتحسس اذا حدا حكا عسوريا كبلد بس برأيي يلي تغير هو شعور "عندي رئيس".. عم حس حالي سعودي ايام😂

الاحترام خالص راح من اول موقف بالثورة... بس قصدي الواحد فينا بيحسن يرجع ولو يسلم عليهم او يقعد معهم عادي... لان صعب ما يرجع يشوفهم ولو بالصدفة

شكله كل الشعب نفس المعاناة😅

لا تذكرني... ابن عمتي 14 سنة عم يسبنا ويسب اخواتي لان طلعوا بالثورة وخربوا البلد... من اسبوع شفت اسمه بالهيئة الناخبة وداحش حاله بكلشي
بس مع الأسف ما عليه مستمسك كان مجرد منحبكجي فطري بدون اي نشاط واليوم تذكر انه كائن ذو قرار

منتظرين الشرع يعملهم جوب سنتر ويصير متل عديله يلي بالمانيا

هو بالضبط هاد النوع من الناس ما بهمه غير جيبته لكن مقصدي حتى من منظور جيبته في تحسن 😂😂

يا اخي ما بدي ياهم يتضامنوا مع وجع باقي السوريين بس من منطق اناني بحت الواحد فيهم ما كان يسترجي يمشي بالطريق وبجيبته 10 دولارات ودافع لابنه 10000 دولار بدل وصهره صار ست بيت من خوفة من الاحتياط وكان ينتظر دوره ليش.. عالبطاقة الذكية واخر شي بقلك ما تغير شي.. يا اخي اذا ما تضامنت معنا تضامن مع حالك

كل ذلك يهون امام مجموعات تلغرام🙄

انا تخيلتها بصوت يوسف سيف 😂😂

او زرقت... لا لا لا

صراحة نتائج الثورة السورية بالمنطقة سواء الان او بالسنين القادمة ممكن يجعلها من أعظم الثورات يلي غيرت وحتغير مسار التاريخ

👏👏

اكيد الألم له دور في تحفيز الابداع لكن مقصدي في شعوب مثل مصر كانو مقموعين بدرجة قريبة من سوريا وطلعو بثورة تاريخية واعداد كبيرة نزلت الشارع وميدان التحرير ومع ثقافة شعب عتيقة وموسيقى خاصة فيهم ومع هيك ما كان في هل ابداع بالهتافات يلي بتتكرر كنمط متشابه باي ثورة بالعالم

من فترة حاولت ارجع شوف حلقات من بقعة ضوء او من مرايا بس ما حسنت كمل ولا حلقة... من طرف انه معظم حلقاتهم بايخين او عفى عليها الزمن وخاصة التلميحات السياسية المغسولة الف مرة ومن طرف ثاني وجه اي ممثل شبيح صار مكروه بدرجة كبيرة عندي ولو كان مو بشخصيته الحقيقية

يمكن الساعات يلي انتظرناها قدام الباص قبل تهجيرنا من الغوطة الشرقية، وجوه الناس الشاحبة، شتات الاعمام وخوف الامهات من الغدر ودموع المقاتلين يلي ودعت شهدائها لاخر مرة وضيف على كل هاد ملازم ح*قير اجا يعلمنا الدين ويشمت فينا وهو عم يقرا فوق مشهد البيوت المحترقة اية(يخربون بيوتهم بأيديهم وأيدي المؤمنين)

مدلعينا اليوم

نطالب بشخصية الاب جولجينيوس لتمثيل الاورثوزوكس أيضا