میریاں منّیں تے تیریاں میں منّاں
تیری سونہہ جے اِک وی گل موڑاں
جے ایہہ منگ نئیں پُجدی تَیں ربّا
فیر میں جاواں تے رب کوئی ہور لوڑاں

اینویں وِچہ ہڈاں کلپے جان میری
جیویں پھاہی وِچہ کُونج کُرلاوندی اے
چنگا شاہ بنایا ای رب سائیاں
پولے کھاندیاں وار نئیں آؤندی اے

مینوں شاہی نئیں چاہی دی رب میرے
میں تےعزتاں دا ٹکّر منگناں واں
مینوں تاہنگ نئیں محلاں ماڑیاں دی
میں تے جیونے دی نُکّر منگناں واں

عشق دی لو جے لگ جاوے تے؟؟
جیت مکمل
مات مکمل
عشق مجازی
عشق حقیقی
عشق فقیری
عشق ضئیفی
عشق جنوں اے
عشق سکوں اے
عشق تخئیل
عشق تغیر
عشق فناء اے
عشق بقاء اے
عشق خدا اے
عشق دی راہ وچ سارا پانی
عشق دی لو جے لگ جاوے تے
ھو جاندی اے ذات مکمل.....