HR hlaðvarpið er rödd Háskólans í Reykjavík og mikilvægur hluti af vísindamiðlun háskólans til samfélagsins; allt frá nemendum og starfsfólki til kollega og almennings. HR hlaðvarpið er að finna á Spotify, Apple iTunes og Podcasts og í öllum helstu streymisveitum hlaðvarpa.

Árlegur hápunktur Bleiku slaufunnar, árvekni- og fjáröflunarátaks Krabbameinsfélagsins, var Bleiki dagurinn, sem haldinn var hátíðlegur um land allt föstudaginn 20. október. Starfsfólk og nemendur HR tóku þátt.

#bleikaslaufan #bleikidagurinn #pinkribbon #pinkday

Húsfyllir var á Vísindavöku 2023 í Laugardalshöll hinn 30. sept. HR mætti eins og alltaf með fjölbreytt atriði og kynningarbása, sem áttu margvíslegt erindi við almenning. Lögð var áhersla á atriði, sem höfða til yngstu kynslóðarinnar, þannig að nóg var að gera á öllum básum!

Starfsfólk Háskólans í Reykjavík er nú í óða önn að undirbúa þátttöku í Vísindavöku, sem haldin verður í Laugardalshöll núna á laugardaginn kemur, 30. september, frá kl. 13-18. Vísindavaka er öllum opin og aðgangur er ókeypis.

NÁNAR:
www.visindavaka.is

Alþjóðadagur HR var haldinn 8. september. Viðburðurinn er haldinn á hverri önn til þess að kynna alþjóðleg tækifæri fyrir nemendur HR. Þar má nefna skiptinám, styrki og framhaldsnám erlendis. Sendiráð veittu upplýsingar, tækifæri gáfust til að smakka framandi mat og í lokin kenndu Spánverjar salsa!