💜 Ogallá un día xa non sexa preciso pero, mentres tanto, vémonos nas rúas, irmás!

🟣 Defendemos un feminismo inclusivo, combativo, internacional e transversal. Cremos que todas xuntas seremos capaces de loitar mellor e de avanzar máis lonxe.

🟣 Este e cada un dos días erguemos a voz e sumámonos con sororidade e afecto a todas as persoas que neste 8M saen as rúas unidas, xuntando forza e ilusión. Plantando en cada acto, en cada paso, a semente local para que agrome no global.

🟣 Sen renunciar a nada e sen soltar a man das mulleres e nenas que padecen en territorios de guerra, das palestinas, das mulleres atormentadas por burkas e sharias, das racializadas e das menos privilexiadas.

🟣 Cremos precisa, máis ca nunca e sobretodo neste contexto de auxe da ultradereita en todos os espazos, a igualdade económica, laboral, sexoafectiva, de coidados, de acceso a vivenda, na saúde e na educación, en todas as etapas da vida.