O comité da CRTVG chama a concentrarse na Praza do Toural o venres ás 12h "para divulgar nas rúas a grave situación que atravesan os medios públicos"
🔗 praza.gal/falase?de=d3... @crtvgcut.bsky.social @cigcrtvg.bsky.social @ugtcrtvg.bsky.social @ccoocrtvg.bsky.social @defendeagalega.bsky.social

Este venres o comité intercentros convoca unha concentración na compostelá Praza do Toural ás 12 horas, aberta á cidadanía, para divulgar a grave situación que atravesan os medios públicos, e así rachar co cerco mediático que impide que os galegos e galegas coñezan a existencia desta mobilización.

Segundo recolle o preaviso formal de folga, a convocatoria entrará despois da folga do venres 13 en suspensión, para se poder reactivar no formato que se determine axeitado se á volta do Nadal, cando se emite unha programación especial, a dirección non dá sinais de recuperación da produción propia.

Hoxe, na concentración ás portas da CRTVG en San Marcos, o comité de folga agradeceu a participación, a constancia, a confianza e a alegría de todas as traballadoras e traballadores dos medios públicos que fixeron posible soster esta longa e complexa mobilización no tempo.

para despedir así o día no que debería emitirse o derradeiro dos 65 programas contratados pola dirección da CRTVG a dúas empresas externas, que o persoal non quere que volva contratarse nestas condicións.