Avante LGBT+
LightNews LightNews
banner
avantelgbt.bsky.social
Avante LGBT+
@avantelgbt.bsky.social
76 followers 31 following 8 posts
Organización LGBT+ anticapitalista, feminista e galega. | FB: Avante LGBT+ | IG: avantelgbt | 📩 avantelgbt@gmail.com
Posts Replies Media Videos
avantelgbt.bsky.social
Xa chega a II Escola de Verán! Os días 30 e 31 de agosto vémonos no CS A Desviada en Vigo nas xornadas de formación organizadas por Avante LGBT+.

Inscríbete no enlace!
forms.gle/J67kVwu8yA2A...
August 14, 2025 at 11:53 AM
avantelgbt.bsky.social
Vémonos nas rúas este sábado! ✊🏳️‍🌈
Cartel coa info das manis do orgullo deste sábado 28. Ten as cores da bandeira LGBT+, o logotipo de Avante LGBT+ e o seguinte texto: 28 de xuño de 2025 Manifestacións orgullo Lugo 12:00 Praza Horta do Seminario Pontevedra 20:00 Parque das Palmeiras Ferrol 12:00 Praza Amada García Compostela 20:00 Praza 8 de Marzo A Coruña 19:30 Praza Ourense Vigo 20:00 A Dobrada (cruce Urzaiz con Gregorio Espino)
June 25, 2025 at 6:46 PM
avantelgbt.bsky.social
17 de maio: día internacional contra a LGBTIfobia

Hoxe celébrase o día internacional contra a LGBTIfobia, nun momento no que o seu impacto é máis visible ca nunca. No último ano vimos como o odio cara o colectivo se usou como motor da dereita para impulsar o seu discurso.
17 DE MAIO DÍA INTERNACIONAL CONTRA A LGBTIFOBIA Hoxe celébrase o día internacional contra a LGBTIfobia, nun momento no que o seu impacto é máis visible ca nunca. No último ano vimos como o odio cara o colectivo se usou como motor da dereita para impulsar o seu discurso. En EE. UU. foi parte fundamental da campaña de Trump, e en Francia e Reino Unido tamén tivo un papel protagonista nas campañas electorais. Neste último vimos como o partido Laborista, supostamente de centro esquerda, adoptou a transfobia no seu discurso e o Tribunal Supremo emitiu unha sentencia transfóbica histórica. E en España tamén temos exemplos de sobra de como o odio gaña forza. O PSOE borrando a Q e o + e a Comunidade Valenciana querendo eliminar a súa lei trans son só dous exemplos recentes. Constantemente estamos vendo como os dereitos que conquistamos se nos poden arrebatar nun instante cando é beneficioso á hora de conseguir apoio de certos elementos, e non poucas veces o odio vén das mesmas institucións que usan ó colectivo como ferramenta para ofrecer unha imaxe progresista e amable. O maior exemplo disto último o temos no estado xenocida de Israel, que combina ao mesmo tempo políticas LGBTIfóbicas con pinkwashing; e no seu fiel altofalante para o lavado de cara, o festival de Eurovisión, no que este ano se prohibiu o uso de bandeiras LGBT+ a pesar de venderse como un bastión cultural da comunidade. Temos que loitar contra a LGBTIfobia, tanto a gran escala como a pequena. Tódolos actos de loita contan. Por iso, como primeiro paso, hoxe pedimos o boicot contra o festival de Eurovisión, no que a LGBTIfobia e o apoio ao xenocidio se dan a man.
May 17, 2025 at 1:35 PM
avantelgbt.bsky.social
Día da Visibilidade Lésbica 📢🏳️‍🌈
26 de abril, día da Visibilidade Lésbica. Avante LGBT+. Foto de Elisa e Marcela. Día da Visibilidade Lésbica 📢🏳️‍🌈 O 26 de abril é un día para visibilizar e lembrar a necesaria representación das lesbianas dentro do colectivo LGBT+, de loitar pola dobre violencia que sofren, tanto polo seu xénero como pola súa orientación sexual. Esta falta de visibilidade é a que dificulta en moitos casos o recoñecemento dos seus dereitos, como a correcta atención médica ou o acceso á educación sexual. Este xuño lembremos que non é o Orgullo Gai, que o Orgullo é para todas, e que aínda queda moito camiño por percorrer.
April 26, 2025 at 8:54 AM
avantelgbt.bsky.social
Día Mundial da Visibilidade Trans 🏳️‍🌈🏳️‍⚧️

Reclamamos unha vida digna, sen medo e con dereitos reais. Sempre estivemos aquí e aquí seguimos, esixindo xustiza e igualdade.

Os nosos dereitos non son negociables!
31/03 Día Internacional da Visibilidade Trans. Cores da bandeira trans. Logo Avante LGBT+ Hoxe é un día para lembrar que a visibilidade é só o primeiro paso. Ser visibles é importante para combater a desinformación e os prexuízos, pero non chega se non vai acompañada de cambios reais. Sen políticas efectivas en saúde, educación e emprego, a discriminación estrutural segue presente. E se na cidade xa hai barreiras, no rural as dificultades multiplícanse. Moitas persoas trans e non binarias en zonas rurais enfróntanse a unha dobre loita: a da falta de acceso a servizos específicos e a do illamento social. A atención sanitaria especializada obriga a desprazamentos interminables, os recursos son escasos e a presión social para encaixar nun rol normativo pode ser asfixiante. Pero tamén no rural hai resistencia e comunidade. A diversidade non é só unha realidade urbana. A Galiza non será verdadeiramente diversa ata que o sexa en todas partes! É urxente garantir que as políticas de igualdade e os servizos de atención á diversidade de xénero cheguen tamén ao rural, sen discriminación por código postal. 🔹 A atención sanitaria segue sendo un labirinto de esperas e trabas burocráticas, cunha falta alarmante de profesionais formados na realidade trans e cun sistema que obriga á derivación masiva á unidade de xénero, dificultando o acceso a tratamentos esenciais. 🔹 O sistema educativo segue fallando á infancia e á mocidade trans, cun protocolo obsoleto na Galiza e moitos centros sen medidas efectivas contra o acoso escolar. As crianzas e adolescentes trans seguen atopando máis obstáculos que apoios na súa etapa educativa. 🔹 O ámbito laboral continúa sendo un espazo de exclusión, con taxas de desemprego altísimas entre as persoas trans, especialmente entre as mulleres trans. A discriminación nas entrevistas de traballo ou no ambiente laboral segue sendo unha realidade cotiá. 🔹 O discurso de odio aumenta nos medios de comunicación e na política, mentres colectivos reaccionarios tentan borrar dereitos xa conquistados e sementan medo con falsidades sobre as persoas trans. Non fai falta ser activista para apoiar os dereitos trans. No día a día, podemos facer moito: Usa os nomes e pronomes correctos das persoas trans, sen excepcións nin escusas. Denuncia comentarios e actitudes transfóbicas. O silencio tamén é cómplice. Infórmate e combate a desinformación, non compartas bulos e apoia fontes fiables sobre identidade de xénero. Esixe políticas públicas que garantan dereitos reais, que a nosa visibilidade non quede en mera representación sen cambios estruturais. Escoita ás persoas trans, en vez de falar por elas. Pregúntalles que necesitan e como podes axudar. Reclamamos unha vida digna, sen medo e con dereitos reais. Sempre estivemos aquí e aquí seguimos, esixindo xustiza e igualdade. Os nosos dereitos, non son negociables!
March 31, 2025 at 8:47 AM
avantelgbt.bsky.social
Boas novas! Presentamos a escola de primavera, unha xornada de formación centrada na memoria LGBT+ e no asemblearismo.

Apúntate e participa!

Onde? Asociación Cultural Alexandre Bóveda, A Coruña.
Cando? O 22 de marzo.

forms.gle/8TQ2EdgF4Eww...
February 24, 2025 at 4:11 PM
avantelgbt.bsky.social
Mañá é o día! Vémonos nas Marías ás 12h para defender o noso idioma, o galego.

Xuntas podemos facer a diferenza!
Faixa que pon "Elas, eles, elis, elus tamén queren galego" con dous logos de Avante LGBT+
February 22, 2025 at 12:56 PM