呢一年有唔少新嘗試、開拓咗唔少新事物、亦結束咗一啲事情
有開心嘅事，亦有令人不如意嘅事（尤其是工作上）
但無論如何，2024都即將完結
無論今年過成點，下一年都係會照樣開始
所以，與其一直抱怨今年錯過啲咩、又或者失去咗咩
不如諗下2025年可以做咩、又或者應該做咩
咁唔係更加有意思咩？（好似同上個post好似有少少矛盾😂

最後，來年有唔少目標／新事物想要實現，又或者將會實行
唔知會唔會失敗、亦唔知可以堅持幾耐
但我希望仍然可以好似2024年一樣
有趣之餘、又有一點挑戰、又可以順順利利
亦希望各位明年會更好

至於九月就去咗ハイキュー!!アニメ10周年記念展
兩個字：勁正❤️
另外解鎖咗日本睇戲、日本睇展同Open-jaw
至於遊記同相就可以睇另一個post／另一個AC（喂

十月上半個月都係工作同睇動畫為主
尤其是Given嗰幾隻BD，loop到就快背到對白（
而月尾就終於去咗期待已久嘅新加坡

而由新加坡返香港之後，直落就係milet香港場☺️
雖然音響依然唔OK，但milet仍然唱得好過CD☺️

至於下半個十一月同十二月就係回歸平淡、好好休息嘅日子.......
結果FGO連開兩個Event、我自己亦開咗新坑比自己😂
於是轉眼間咁就一年了

至於四月就係一個食花生嘅季節
戲院有好戲上、政府亦都有好戲上，好彩盲盒壽司持續嘅時間唔耐

五月就開始變得比較豐富了
月中去咗一轉仙台同輕米町，除咗追尋排球少年嘅聖地之外，仲有去咗初夏著名嘅青葉祭
亦解鎖咗Red-eye，但應該冇下次
至於遊記同相就可以睇另一個post／另一個AC

六月除咗每年都有嘅醜圖之外，最重要係LiSA香港場☺️
只能說不愧係啊姐級，成個Run down同歌list都好正
真係由頭high到尾，而又有令日難忘嘅感動位（尤其HELLO WORLD嗰段）
下次要去AsiaWorld-Arena！！！

七月同八月因為太熱，所以冇咩想做（喂
於是兩個月主要係打機同係附近行下

一月由fhána同台北揭開序幕
相傳香港人每年都會去一次台灣，但呢個唔係傳說，係事實😂
另外，第一次坐HX同解鎖咗Biz

二月換咗新相機，而喺四年一度嘅2月29日亦冇咩劇集一樣嘅特別事情發生，只係一個人去咗豪斯登堡
至於遊記同相就可以睇另一個post／另一個AC（

三月初繼續係長崎渡過， 最大件事就係個腳架斷咗
亦係最後一日解鎖咗新幹線❤️
而月尾就去咗人超多嘅排球pop-up，我都係依家先知原來香港有咁多排少粉