Idaacadda habeenimo ee Evening Edition waxaad ku maqashaan wararkii ugu danbeeyey ee Soomaaliya iyo Caalamka, barnaamijyo iyo wareysiyo ka turjumaya dhacdooyinka ka dhacaya daafaha Dunida.

Madaxda ururka SADC, oo ay leeyihiin dalalka Koonfur Afrika, ayaa maanta oo Khamiis ah ku dhawaaqay inay joojinayaan howl-gallada milateri ee ay ka wadaan Jamhuuriyadda Dimoqraadiga ah ee Congo (DRC), iyagoo bilaabaya inay si tartiib tartiib ah ciidamadooda ugala baxaan halkaas.

Ciidamada amniga ee dowladda Soomaaliya iyo kuwa maamulka Hirshabeelle ayaa ku guuleystay inay soo afjaraan rag ka tirsan kooxda argagixisada ah ee Al-Shabaab, kuwaas oo shalay weerar ku qaaday hotel ku yaalla magaalada Beledweyne.

Dowladda Suuriya ayaa heshiis muhiim ah la saxiixatay kooxda hubeysan ee Kurdiyiinta Suuriya ee loo soo gaabiyo SDF. Dhinacyada ayaa sheegay inay ku heshiiyeen in SDF, oo maamusha gobolka Waqooyi-bari, ay ku biirto dowladda cusub.

Dalka Djibouti ayaa laga bilaabay hanaan ay hay’adaha dawladdu ku wada shaqeynayaan si loo xoojiyo, korna loogu qaado tayada adeegyada ay bixiyaan. Strateejiyaddan cusub ayaa ujeedadeeu tahay sidii si deg-deg looga jawaabi laha wixi baahiya ee markaasi soo food saarta hawlgalka hay’adaha dowladda. Warbixin arrintaas ka hadlaysa waxaa magaalada Djibouti ka soo diray wariyeheena Ramadan Muuse.

Hawlgalka milatariga Suuriya ee ka dhanka ah kooxda daacadda u ah madaxweynihii hore Bashaar Al-Asad ayaa la soo gabagabeeyay, sida ay sheegtay Wasaaradda Gaashaandhigga.

MUQDISHO — Sanad weliba 12-ka March oo ku beegan berrito oo Arbaco ah ayaa dunida laga xusaa cudurka Glaucoma oo ah cudur indhaha biyaha ku fura, kaas oo dhibaato xoog leh u keena indhaha.   Cudurkan oo araga si sahlan qofka uga qaada ayaa halista uu leeyahay iyo sida wax looga qaban karo uu wariyaheena Muqdisho Xasan Kaafi Qoyste uu ka waraystay, Agaasimaha Isbitaalka Mustaqbal ee Magaalada Muqdisho, Dr Cabdisamad Xasan Haye.

OTTOWA — Xisbiga talada haya ee Libaraalka ah ee dalka Canada ayaa shalay guddoomiye u doortay Mark Carney, oo 59 jir ah horay u soo noqday agaasimaha bankiga dhexe ee Canada. Ninkani oo ah shakhsi aan laheyn khibrad siyaasadeed, ayaa baddali doono Ra'iisul Wasaaraha muddada dheer dalkaasi xakumayay ee  Justin Trudeau. Carney, ayaa maalmaha soo socda noqon doona Ra'iisul Wasaaraha cusub ee Canada. Haddaba waa qof ceynkee ah, maxayse yihiin howlaha adag ee horyaalla, su'aalahaasi iyo...

DIMISHIQ — Kooxaha xuquuqda aadanaha ee kor kala socda xaaladda Suuriya ayaa Sabtidi sheegay, in ugu yaraan 1,000 qof lagu dilay isku dhacyo labadi maalin ee lasoo dhaafay ka dhacayay qeybo ka mid ah dalka Suuriya. Isku dhacyada ayaa u dhaxeeyay ciidamada dowladda cusub ee Suuriya iyo xoogag daacad u ah madaxweynihi xilka laga tuuray ee Bashar Assad. Wararka ayaa sheegaya in dadka la dilay qaar loo beegsaday heybtooda oo ah in ay kasoo jeedaan qowmiyadda Calawiga Shiicada ah ee laga...