«Suprefetak agorrilaren 29an adierazi zigun ez zela jinen. Gainera, DRAC Kultur Gaien Eskualde Zuzendaritzak ere erran digu gaurko mobilizazioagatik ez dela Administrazio Kontseilura etorriko». Hori adierazi du Katixa Dolhare-Zaldunbide EKE Euskal Kultur Erakundearen lehendakariak gaur goizean antolatu mobilizazio artistikoaren karietara. Hirurehun pertsona inguru bildu dira Uztaritzen (Lapurdi), EKEren egoitzaren aitzinean, Frantziako Gobernuak gauzatuko duen 30.000 euroko diru murrizketa salatzeko. EKEko Kultur Eragileen Batzordeak —elkarteen ordezkaritzak— antolatu mobilizazioa artistikoan laurogei elkartek eta hainbat boluntariok parte hartu dute. EKEk sustengatzen dituen elkarteen izenekin osatu pankartak hartu, eta sarrerako xeilara bitarte pasabidea egin dute protestan bildutakoek. Administrazio Kontseiluan parte hartu duten gainerateko erakundeei —Euskal Hirigune Elkargoa, Pirinio Atlantikoko departamendua eta Eusko Jaurlaritza— Frantziako Gobernuaren bide bera ez hartzeko galdegin diete. Patxi Amulet musikariak eta Uztaritzeko dantza taldeak performance bana egin dute. Barnera sartzekotan zirela, berriz, Amets Arzallusek bertso batzuk kantatu ditu.  Dolhare-Zaldunbideren erranetan, Frantziako Gobernua ez denez etorri, gaurko Administrazio Kontseilua baliatuko dute bertze erakundeak murrizketaren aitzinean nola kokatzen diren jakiteko. «Bertze erakunde diruztatzaileak murrizketaren aitzinean nola posizionatzen diren jakin nahi dugu, beldur baikara Frantziako Estatua hasten bada murrizketak gauzatzen bertzeek ere gibeletik segituko dutela». «Bertze erakunde diruztatzaileak murrizketaren aitzinean nola posizionatzen diren jakin nahi dugu, beldur baikara Frantziako Estatua hasten bada murrizketak gauzatzen bertzeek ere gibeletik segituko dutela»KATIXA DOLHARE ZALDUNBIDE EKEko lehendakaria Marie Andree Ouret Kultur Eragileen Batzordeko kidearen arabera, berriz, Frantziako Gobernuak estakuruak atzeman ditu Administrazio Kontseilura ez jiteko. Manera batez edo bertzez zuzenki adieraziko diote murrizketa salatzen dutela eta ez dutela onartzen. Bide batez, elkarteengandik 150 sustengu gutun ukan dituztela erran du, eta azpimarratu mobilizazio «behar-beharrezkoa» zela. «Diru apaltzea biziki kaltegarria da euskal kulturarentzat, eta ezin dugu hori pasatzen uzten ahal deus adierazi gabe». Ondorioak Egun, milioi bat euroko aitzinkontua du EKEk. Epe laburrean, 30.000 euro gutiagorekin ibili beharko balitz, lanpostu bat zalantzan litzateke, edo hogei elkarteren diru laguntzak lanjerrean lirateke. Dolhare-Zaldunbidek erran duenez, epe ertainean eta luzean, erakundearen aitzinkontua negatiboa izateaz gain, EKEren rol estrategikoa hankaz gora emanen litzateke, Ipar Euskal Herrian duen «funtsezko estrategia» zangopilatuz.  Elkarteen ordezkaritza eta Uztaritzeko dantza taldea, Lota jauregiaren aitzinean, buruilaren 13an. GUILLAUME FAUVEAU Daniel Landart EKEko zuzendariorde ohi eta idazleari ere Frantziako Gobernuaren ekintza «grabea» egin zaio. 1990an sartu zen EKEn eta 2010ean utzi zuen kargua. EKE itzulpenak egiteko zentro «soila» zen hastapenean, eta, pixkanaka, handituz joan egitura da. Haren erranetan, nahiz 35 urtez urrats anitz egin dituen erakundeak, murrizketak Frantziako egoera politiko arras txarrarekin du lotura. Gerorako aterabideak Joana Erdozaintzi Etxart Bunuztar Xoriak elkarteko kideak esplikatu du Askaot ikuskizuna parte batez EKErengandik diruztatua izan zitzaiela, jantziak, azpiegitura eta bertze hainbat gauza «duinki» kudeatu ahal izateko. Argi du diru laguntzarik gabe ikusgarria ez zela batere bera izanen. Ondorioz, kontatu du murrizketa gauzatuko balitz elkarteek haien burua bertze manera batez diruztatu beharko luketela. «Dirua beste nonbait atzeman beharko dugu edo guhaurek diru laguntzen menpe ez izateko sistema bat atzeman». Lotsagarria eta larria zaio egoera, elkarteen proiektuak eta haien terrenoa lanjerrean ematen baitu Frantziako Gobernuak. «Ez da zerbait salbatzen negar eginez bakarrik. Indarrez bermatu behar da euskararen eta euskal kulturaren aldeko sostengua: erakundeak bortxarazi behar dira onar dezaten, gero hitza atxik dezaten eta, ahal balitz, haien engaiamendua emenda dezaten»DANIEL LANDART EKEko zuzendariorde ohia eta idazlea Landart, berriz, geroari begira jarri da, eta etsipena baizik ez du ikusten inguruan. Hala ere, oroitarazi du duela 60 urte militante gisa sartu zela euskal kulturgintzan, eta harrezkeroztik «guduka» baizik ez duela egin. Etorkizunean itxaropentsu segitu behar dela erran du, euskal kulturaren aldeko borroka eraman nahi bada. «Ez da zerbait salbatzen negar eginez bakarrik. Indarrez bermatu behar da euskararen eta euskal kulturaren aldeko sostengua: erakundeak bortxarazi behar dira onar dezaten, gero hitza atxik dezaten eta, ahal balitz, haien engaiamendua emenda dezaten».

Astelehenean berehalako epaiketa izanen dute. Hirugarren bat kontrol judizialpean sartzeko eskatu du fiskaltzak, berantago epaitzeko. Zirkulazioa moztea, aurpegia estaltzea, jazartzea, eta aztarnak...

Mediapart s’est penché sur le profil des membres de la commission mixte paritaire, qui se réunit le 30 juin pour discuter du texte visant à « lever les contraintes à l’exercice du métier d’agriculte…

«Erabateko desadostasuna» agertu dute Frantziako Estatuak iragarri ondotik EEPri 100.000 euro gehiago baizik ez dizkiola emanen. Sei hilabeteko epean adostasunik lortu ezean, EEP desagertzeko arri...

Ekainaren 20 honetan, dozenaka pertsona bildu dira Hazparneko Puyo agentziaren aitzinean, Arberoa Lurra eta Etxebizitza kolektiboko ekintzaileei ba...

Arberoako Joaldunak taldea Artetxea proiektuan barna ibilki diren elkarteetarik bat da. Gure joaldun taldea konfinamendu denboran sortu zen, etxe bateko s

Mixel Amade Izturiztarra, Xantxotea etxeko etnologia erakustokiaren sortzailea hil da. Mixel Amade, Euskal Herriko kulturaren eta historiaren maitalea, pertsonaia garrantzitsua izan da euskal ondar...