賀錦麗支持者一度聲稱選舉工程冇問題，但睇完呢條片我就發覺美國班左翼真係盲閪嚟。發現自己喺男性選民間支持率下跌，但選舉廣告唔係展示對男性友善嘅一面，而係呼籲男性透過投賀錦麗去「贖罪」。

同屬左翼嘅內容創作者Shoe0nHead，喺一年前已經批評左翼對男性嘅惡意，亦認為普遍左翼嘅消極、憤世嫉俗，先係將美國男性推向右翼嘅根本原因。尤其佢指出年輕美國男性面對嘅寂寞困境，同樣係父權制度嘅教化下導致嘅，因此男性都係父權受害者；但美國左翼對自殺率攀升嘅年輕男性群體態度敵對，並冇嘗試為佢哋提供出路，反而喺網上對男性自白冷嘲熱諷。

youtu.be/tSw04BwQy4M?...

北美第一種子，2024年嘅FlyQuest，面對GEN.G時冇怯懦，多番嘗試刁鑽選角；隊伍首先取得賽點，將賽事逼至決勝局，更喺決勝局Game 5使用稻草人、賽特，迎戰GEN嘅舒適區鐵桶陣。

Sjokz喺賽後嘅註腳我十分同意：
「FlyQuest今日喺面對難以跨越嘅勁旅（如GEN.G時）嘅表現同方針，將會啟發賽區嘅新世代、啟發好似Massu、Busio一樣期待舞台嘅新星、以至啟發整個賽區。」

縱使最後FLY未竟全功，但其表現同所展現嘅膽識，已經足以令全球觀眾佩服、令包括我在內嘅NA hater收皮了。

【HLE 1:3 BLG】

對於今年Viper+Delight呢對下路雙人組，我係有種特別嘅期待。我一直認為Delight係一個好強嘅輔助，用硬輔往往可以打出一錘定音嘅play；但GEN重組隊伍時決定釋出Delight換入Lehends，佢因而加入HLE。

當年Viper喺LCK仍然並非爭冠水平，Zeka狀態亦不穩，所以我頗擔心Delight喺HLE嘅發展。但賽季開始後，Viper+Delight交出宰制級表現，成為LCK最強下路組合之一。跌碰過後，更力壓GEN奪得LCK夏季冠軍。

(1/2)