A Aula AMTIC do Concello de Ames vén de anunciar a convocatoria de catro novos cursos de formación para persoas adultas, así como outros catro para nenos e nenas, para os meses de xaneiro, febreiro e marzo do vindeiro 2026. Competencias dixitais básicas, Creación de web con WordPress, Iniciación ao correo electrónico e Uso básico de Internet serán os obradoiros destinados a usuarios e usuarias adultas, mentres que Iniciación á Informática, Scratch (Intermedio), Mecanografía para nen@s e Programación con placa Micro:bit estarán orientados aos cativos e cativas.

A Universidade de Santiago fixo balance nesta recta final do ano da actividade xerada polo Observatorio DXC, unha iniciativa posta en marcha en 2017 entre a USC e a compañía tecnolóxica DXC Technology para achegar a formación universitaria e a investigación ás necesidades reais do contorno profesional.

LG Electronics anunciou o lanzamento global da súa nova marca premium de monitores gaming, UltraGear evo, que debutará oficialmente no CES 2026. A compañía surcoreana amplía así a súa aposta polas pantallas de moi alta resolución cunha gama que abrangue formatos OLED, New MiniLED e ultrapanorámicos, todos eles con resolucións 5K ou superiores e orientados a combinar definición, velocidade e inmersión sen concesións.

O Clúster TIC Galicia quixo celebrar estas festas e enfilar a recta final do ano facendo un balance da súa actividade e, en xeral, do sector empresarial galego das novas tecnoloxías da información. “Este ano vén de marcar un punto de inflexión para o sector tecnolóxico galego”, sinala a agrupación, ao tempo que fai unha proclama polo impulso do talento, un eido de traballo no que o Clúster traballou arreo neste ano que remata.

Dende 2004 Google ofrece enderezos de correo electrónico de balde baixo o dominio gmail.com, que para moitos usuarios son a porta de acceso a numerosos servizos en liña, pero que en moitas ocasións poden ser motivo de remordementos a longo prazo, por unha mala escolla do identificador destes enderezos de correo electrónico, o que podería mudar en breve.

Xiaomi presentou en Pequín o novo Xiaomi 17 Ultra, aproveitando o evento para anunciar a actualización da súa cooperación estratéxica global en imaxe con Leica, que evoluciona cara a un novo modelo de cocreación profunda aplicado por primeira vez a este terminal. A nova etapa da alianza deixa atrás unicamente o I+D conxunto para introducir un marco de colaboración desde a fase inicial do produto.

Finalmente a comunidade internauta galega elixiu a través dunha votación popular na Rede a Palabra do Ano da campaña do Portal das Palabras, a web para a difusión do léxico galego promovida pola Real Academia Galega e a Fundación Barrié. O proceso rematou coa elección de xenocidio.

Cáritas Diocesana de Santiago puxo en funcionamento a súa nova web corporativa, unha nova plataforma dixital que en palabras da organización humanitaria “supón un paso adiante na mellora das ferramentas de comunicación, información e documentación de Cáritas na Diocese de Santiago, tanto para o traballo interno como para a súa relación coa sociedade”.

LG Electronics aproveitará a súa presenza na feira CES 2026 para amosar por primeira vez ao público o seu novo robot doméstico, CLOiD. A presentación terá lugar en Las Vegas entre os días 6 e 9 de xaneiro e supón un novo chanzo na estratexia da compañía para consolidar a robótica como un dos seus principais motores de crecemento a medio e longo prazo.

O que para moitos é o smartphone máis interesante do ano, o Samsung Galaxy Z TriFold, non superou con éxito unha esixente proba de resistencia, na que quedou patente que o seu deseño encartable presenta máis puntos fráxiles que os seus predecesores. O terminal foi sometido a un test de durabilidade extremo polo coñecido creador de contidos JerryRigEverything, no que o dispositivo acabou cedendo tras unha flexión contraria ao seu uso normal.

A poucos días da entrada en vigor da obrigatoriedade de empregar balizas V16 como dispositivo para sinalar que un vehículo está detido na estrada a xeito de presinalización de perigo (como se facía anteriormente cos triángulos), a Dirección Xeral de Tráfico (DGT) engade certa confusión aos usuarios que queiran facerse cun destes dispositivos, pois aparte da listaxe de marcas e modelos certificados (que indica os produtos que contan coa pertinente homologación) inclúen agora unha listaxe con certificados con vixencia finalizada.

Preto do 90 % das empresas galegas con máis de 10 empregados empregan aplicacións de software libre, unha porcentaxe que supera o 67 % no caso das microempresas. Así o reflicte o estudo O Software Libre nas Empresas de Galicia, elaborado polo OSIMGA, adscrito á AMTEGA. A análise baséase nos datos da Enquisa sobre o uso das TIC e do comercio electrónico nas empresas que realiza anualmente o INE, cedidos a OSIMGA ao abeiro dun convenio de colaboración.

Mentres agardarmos a que Grand Theft Auto VI vexa a luz o 19 de novembro de 2026 (se non adían o seu lanzamento unha vez máis), son moitos os rumores que apuntan a que podería ser o primeiro videoxogo en ousar superar a barreira de prezo de 100 dólares na súa edición ordinaria, aínda que Obbe Vermeij, exdirector técnico de Rockstar North e unha das pezas clave na transición de Grand Theft Auto ao 3D (GTA III, Vice City e San Andreas, ademais de GTA IV), nunha interesante entrevista publicada por GamesHub, tranquiliza ao público ao considerar pouco probable que tal cousa aconteza.

A Administración de Donald Trump decidiu prohibir a entrada nos Estados Unidos a cinco cidadáns europeos destacados, unha medida anunciada polo secretario de Estado, Marco Rubio, baixo a acusación de teren participado en prácticas de censura en liña contra cidadáns estadounidenses. As persoas afectadas rexeitan esas acusacións e cualifican a decisión de represiva. O veto supón unha escalada significativa no conflito entre Washington e as iniciativas europeas para supervisar os contidos en grandes plataformas dixitais, entre elas X, propiedade de Elon Musk, así como Facebook e Instagram, pertencentes a Meta.

O debate arredor da intelixencia artificial xeral (AGI) volve acenderse tras unhas declaracións do director executivo de OpenAI, Sam Altman, quen insinuou que o sector podería ter alcanzado xa ese nivel tecnolóxico sen que a sociedade fose plenamente consciente. Nunha intervención no Big Technology Podcast, Altman afirmou que «a AGI xa puido pasar voando», engadindo que, malia o seu potencial transformador, «non cambiou o mundo tanto como se esperaba a curto prazo».

Este 23 de decembro abriuse o prazo para que aquelas persoas físicas ou xurídicas dedicadas á dinamización cultural se inscriban no catálogo Ler Conta Moito 2026 que servirá para programar actividades nas bibliotecas públicas.

Na década de 1950, en pleno clima de tensión da Guerra Fría, o coronel Harry Shoup —entón comandante de garda no Continental Air Defense Command (CONAD)— recibiu unha chamada inesperada dun neno que preguntaba se realmente era Santa Claus. A causa era un anuncio de Sears que, por un só díxito mal impreso, publicara o número secreto do oficial como se fose unha liña directa co lendario repartidor de agasallos.

Un grupo de seis autores e xornalistas presentou unha demanda federal nos Estados Unidos contra algunhas das principais compañías do sector da intelixencia artificial, ás que acusa de ter empregado de maneira masiva libros protexidos por dereitos de autor, obtidos a través de bibliotecas pirata, para adestrar e optimizar os seus modelos comerciais de linguaxe.

O Concello de Gondomar, dentro do seu “compromiso co benestar da cidadanía e coa promoción de contornas dixitais seguras”, desenvolve este Nadal un curso formativo de balde dirixido a familias, mocidade e persoal educador sobre O bo uso dos videoxogos e Benestar e prevención de riscos dixitais.

O alcalde de Vilagarcía, Alberto Varela, e o subdelegado do Goberno na provincia de Pontevedra, Abel Losada, visitaron a semana pasada o núcleo de Sobradelo, que se viu beneficiado da actividade do Plan ÚNICO do Goberno para estender a fibra óptica entre a poboación, e, tamén, da implicación da operadora galega Rede Aberta. Segundo lembraron, arredor de 900 vivendas accederon a este servizo. Só na provincia de Pontevedra, os fogares beneficiados foron 63.500 cun investimento de vinte millóns de euros.

IO Interactive anunciou un adiamento de dous meses no lanzamento de 007 First Light, que finalmente chegará ao mercado o 27 de maio de 2026. A compañía xustifica a decisión na necesidade de dispor de máis tempo para pulir un proxecto que cualifica como o máis ambicioso da súa traxectoria.

A Comisión Europea acolleu de maneira positiva o lanzamento recente da versión beta do sistema operativo iOS 26.3 de Apple, ao considerar que permite aos desenvolvedores comezar a probar novas opcións de interoperabilidade. Segundo indicou o executivo comunitario, estas capacidades están ligadas a dúas funcións incorporadas tras unha investigación aberta pola UE sobre as condicións impostas pola compañía para dispositivos conectados, como os reloxos intelixentes, no marco da Lei de Mercados Dixitais (DMA), iniciada en marzo deste ano.

A Comisión Federal de Comunicacións dos EE.UU. (FCC) anunciou a incorporación dos sistemas de aeronaves non tripuladas (drons) e dos seus compoñentes críticos fabricados fóra dos Estados Unidos á denominada Covered List, o rexistro de equipos e servizos considerados de risco inaceptable para a seguridade nacional e para a protección das persoas no país. A decisión foi comunicada pola Oficina de Seguridade Pública e Seguridade Interior do organismo regulador, tras recibir unha determinación formal de seguridade nacional por parte dun grupo interaxencial do Executivo federal.

Melide acolleu un encontro de proxectos tecnolóxicos impulsados dende a Rede de Polos de Emprendemento e Apoio ao Emprego. Nel presentáronse 13 iniciativas innovadoras que están a xurdir no ámbito rural relacionadas con aspectos como a intelixencia artificial, os sensores intelixentes, as plataformas dixitais, o turismo, a música e o benestar e que forman parte dos máis de 5.300 proxectos atendidos nos Polos de Emprendemento de Galicia. Na cita participou o secretario xeral de Emprego e Relacións Laborais, Pablo Fernández.

Samsung presentou a súa gama de monitores para xogos de 2026, unha liña que busca elevar o estándar visual nun mercado cada vez máis esixente. A compañía surcoreana introduce cinco modelos que combinan resolucións inéditas, taxas de refresco extremas e tecnoloxías pioneiras como a primeira pantalla 3D 6K sen necesidade de lentes.