Facebook comezou a despregar novas funcións baseadas en Meta AI que permiten engadir animacións e estilos xerados por intelixencia artificial ás fotos de perfil, ás publicacións no Feed e ás Historias, co obxectivo de facilitar unha expresión máis creativa e visual dentro da plataforma.

O Consello da Xunta autorizou este luns 9 de febreiro a tramitación dun acordo marco que garante a continuidade, o mantemento e a ampliación da plataforma de virtualización de postos de traballo impulsada pola Axencia para a Modernización Tecnolóxica de Galicia (AMTEGA), que permite aos empregados públicos acceder de maneira segura aos seus equipos e aplicacións corporativas, tanto desde o posto físico da oficina como en modalidade de teletraballo ou mobilidade.

Para conmemorar o 11 de febreiro, Día Internacional das Mulleres e as Nenas na Ciencia, a Universidade de Santiago contempla un extenso e variado programa de actividades de sensibilización, promovido por distintos centros e servizos. Trátase de visibilizar o traballo das mulleres que se dedican ás áreas STEM (Ciencia, Tecnoloxía, Enxeñaría e Matemática) para, en palabras da USC, “ir creando referentes femininos para a nenez e a mocidade que poidan contribuír á elección destas áreas como carreiras profesionais e alcanzar deste xeito a igualdade de xénero no ámbito científico”.

A Aula CeMIT do Concello de Padrón acolle este mes de febreiro, coincidindo coa celebración do Entroido, un Campamento Dixital para formar á rapazada na vertente máis enriquecedora e segura das novas ferramentas tecnolóxicas. Celebrarase os días 16, 17 e 18 de febreiro na Aula CeMIT.

A consultora galega Vitae, referente galego e estatal en formación tecnolóxica avanzada para empresas e profesionais TIC, organiza este mes de marzo a terceira edición do curso Introdución a Microsoft Fabric, de 9 horas de duración, a desenvolver os días 9, 11 e 16 de marzo.

Cancro: ciencia e conciencia sobre un desafío global é o título da nova entrega do portal Proxector, iniciativa de divulgación de recursos audiovisuais que sirvan de apoio á docencia en lingua galega, que organiza o Centro de Documentación Sociolingüistica de Galicia do Consello da Cultura Galega (CCG) en colaboración coa Universidade de Santiago (USC).

O estudio coruñés Aruma Studios vén de estrear en Steam a súa última creación, Shadows of the Afterland, unha aventura point‑and‑click que combina misterio policial, humor sobrenatural e unha estética pixel art que recrea o Madrid dos anos 60. O xogo, dispoñible desde hoxe en Steam cun desconto de lanzamento, propón unha investigación que comeza cunha morte estraña no antigo zoo da cidade e continúa máis alá da fronteira entre a vida e o alén.

A Facultade de Informática da Universidade da Coruña será escenario, o 19 de febreiro, dun novo encontro da iniciativa #GPULSchool, centrado nesta ocasión na configuración avanzada de shell mediante zsh e o uso de stow como sistema de xestión e versionado de dotfiles. A sesión, organizada por GPUL, desenvolverase entre as 17:30 e as 19:30 e combinará explicacións técnicas cun formato de charla‑obradoiro pensado para que as persoas asistentes poidan aplicar os contidos ao momento.

O investigador galego César de la Fuente, catedrático da Universidade de Pensilvania e director do Machine Biology Group, recibe esta semana importantes recoñecementos académicos e científicos polo seu traballo pioneiro no uso da intelixencia artificial para acelerar o descubrimento de novos antibióticos, nun contexto marcado polo avance global da resistencia aos antimicrobianos.

Un consorcio internacional liderado pola empresa galega Alén Space, no que participan GMV (España e Polonia), WideNorth e a Universidade Politécnica de Madrid (UPM), foi seleccionado pola Axencia Espacial Europea (ESA) para o desenvolvemento dun proxecto para a detección e monitoraxe desde o espazo de interferencias de radiofrecuencia (RFI, polas súas siglas en inglés).

O encontro, organizado por Starup Galicia, As Nosas chega á súa terceira edición baixo o lema mulleres galegas, líderes e referentes, terá lugar o 6 de marzo na Fundación RIA de Santiago de Compostela unha nova xornada dedicada a dar visibilidade e conectar ás mulleres que están a transformar o ecosistema galego. O encontro, que se desenvolverá entre as 15:00 e as 18:00, aposta por poñer no centro ás creadoras, investigadoras, empresarias e profesionais que están a marcar o presente e o futuro do país.

A empresa UARX Space, referente en solucións de loxística de transporte en órbita, misións compartidas e lanzamentos dedicados para pequenos satélites de Nigrán (Pontevedra), competirá na categoría de Innovación e Internacionalización do Premio Nacional Peme do Ano 2025, convocado por Banco Santander e a Cámara de Comercio de España; e que conta coa colaboración da Cámara de Comercio de Pontevedra, Vigo e Vilagarcía de Arousa. A presenza galega nas firmas finalistas complétase con Valora Consultores de Xestión (A Coruña).

O experto en Contraintelixencia, Seguridade e Defensa, Jorge Gómez, imparte, este venres 13 de febreiro, ás 10.00 horas, no Salón de Graos da Facultade de Humanidades e Documentación do Campus Industrial de Ferrol, convidado pola coordinación e mais polo alumnado do Grao en Relacións Internacionais, o seminario O poder do relato. Tecnoloxía e Intelixencia Humint ao servizo da desinformación.

O evento Coruña Comunica Ciencia volve á cidade herculina con tres xornadas consecutivas de formatos divulgativos, monólogos, teatro e música. Será esta semana, os días 11, 12 e 13 de febreiro, e novamente co Teatro Colón como epicentro das actividades, como no anterior certame.

OpenAI iniciou probas de publicidade en ChatGPT nos Estados Unidos, dirixidas unicamente a usuarios adultos con contas dos plans de balde e Go. Segundo explicou a compañía, os plans Plus, Pro, Business, Enterprise e Education permanecerán libres de anuncios, igual que as contas de menores de 18 anos.

Os wearables con intelixencia artificial perfílanse como aliados para mellorar a autonomía das persoas con perda de memoria e outras discapacidades cognitivas segundo constata un proxecto desenvolvido en colaboración coa Oscar Mike Foundation, unha organización sen ánimo de lucro que traballa con veteranos militares con discapacidade, no que se exploran novos usos das smartglasses como apoio á memoria, á orientación espacial e á xestión das tarefas cotiás.

A Comisión Europea notificou a Meta a súa intención de impor medidas cautelares pola posible vulneración das normas comunitarias de competencia tras a exclusión de asistentes de IA de terceiros de WhatsApp. Bruxelas considera, de maneira preliminar, que este cambio de política pode provocar danos graves e irreparables no mercado europeo de asistentes de IA, ao bloquear a entrada ou a expansión de competidores nun sector en rápido crecemento.

A Xunta de Galicia vén de activar unha nova convocatoria de axudas destinada a apoiar o inicio da actividade das empresas de base tecnolóxica e a fomentar a creación de emprego de alta cualificación. O Consello da Xunta analizou un informe sobre a orde correspondente a 2026, que se publicará mañá no Diario Oficial de Galicia (DOG) e contará cunha dotación global de 500.000 euros.

O espazo colaborativo A Proa, situado no parque empresarial Novo Milladoiro (Ames), programou para o mes de febreiro novas actividades de aprendizaxe co obxectivo de formar a autónomos e empresas e crear un ambiente de networking no que os/as emprendedores/as poidan establecer sinerxías e estreitar relacións sectoriais. Ademais, o espazo acollerá a gravación dun podcast. A inscrición para todas as actividades é libre e gratuíta. As inscricións poden facerse na páxina web de A Proa.

Co gallo do Día Internacional da Muller e a Nena na Ciencia, este 11 de febreiro, a Universidade da Coruña (UDC) mobilizará talento investigador para “inspirar novas vocacións e visibilizar o liderado das científicas en diferentes ámbitos da investigación”. Así, desde a institución académica, están programadas ao longo deste mes de febreiro diferentes actividades que van desde concursos, obradoiros e conferencias e que se impartirán en diferentes sedes.

O ITG, o Instituto Tecnolóxico de Galicia, impulsou o lanzamento oficial da Rede de Excelencia Cervera R5DES, unha iniciativa estratéxica orientada a abordar os grandes retos do sistema enerxético do futuro.

O Colexio Profesional de Enxeñaría en Informática de Galicia (CPEIG) súmase ás actividades do Día de Internet Segura (este martes, 10 de febreiro), que este ano céntranse en educar con seguridade dixital por medio do fomento do “uso seguro, responsábel e crítico da intelixencia artificial”.

A comunidade dixital Orgullo Galego celebra nestes 2026 as súas V Xornadas Online sobre o Entroido de Galiza. Estas xornadas en liña son emitidas nas canles de YouTube, Ivoox e Spotify.

O Centro de Investigación en Tecnoloxías da Información e a Comunicación (CITIC) da Universidade da Coruña (UDC) participou recentemente na terceira reunión internacional do proxecto Erasmus EDIGIT (European Dixital Inclusive Guide for Innovative Teaching), a versión europea do programa Talentos Inclusivos do centro coruñés.

Galiciencia, a maior feira científica da nosa comunidade impulsa polo Parque Tecnolóxico de Galicia (Tecnópole) e cuxa nova edición celebrarase os días 13, 14 e 15 de maio (en colaboración coa Consellería de Economía e Industria), vén de convocar o concurso de deseño da camiseta oficial da feira.