Vesen og vergangur fór með hóp í fjallgöngu frá Kýlingum að Landmannalaugum, með viðkomu hjá Grænahrygg. Þetta voru um 20 km á tæpum 10 tímum. Aldeilis frábær ferð, í veðurblíðunni á laugardaginn. Þvílík litadýrð.

Ferðafélagsgönguhópurinn Þrautseigur fór í þessum brakandi þurrki og sól, á Lómagnúp. Það þurfi að hafa mörg stopp til að virða fyrir sér ómælda fegurðina í þessu umhverfi. Myndirnar eru í tveimur stoppanna.

Gleðilegt sumar!

Hér má sjá gönguhópana Fótfráa og Þrautseiga koma niður af Stardalshnúk, vaðandi allt frá ökla- í hnédjúpan snjór í skafrenningi og logni, á leiðinni að Tröllafossi í klakaböndum. Þetta var góð laugardagsskemmtun.
#FerðafélagÍslands #Þrautseigur