سانوں اندرو اندری توڑ کے
سانوں ککھاں وانگ مروڑ کے
سانوں وچ قبراں دے روڑھ کے
کوئی ساہنواں ساتھوں منگ گیا
اک ہںور دسمبر لنگھ گیا

ساڈے دل دا بوہا کھول کے
ساڈا سینہ اندروں پھول کے
سانوں وچ خواباں دے رول کے
کوئی بدل تھل دا کھنگ گیا
اک ہںور دسمبر لنگھ گیا

ساڈے ماس دا بالن بال کے
ساڈا ہسدا جوبن گال کے
سانوں اگاں وچ اُچھال کے
کوئی سُولی اُتے ٹنگ گیا
اک ہںور دسمبر لنگھ گیا

دو اکھر پیار دے بول کے
کناں وچ مشری گھول کے
سانوں نشیاں وچ مدھول کے
کوئی رنگ اپنے وچ رنگ گیا
اک ہںور دسمبر لنگھ گیا

ساڈی اکھ دی رَت نچوڑ کے
سانوں وچ راہںواں دے چھوڑ کے
سانوں درداں دے نال جوڑ کے
کوئی ناگ ہجر دا ڈنگ گیا
اک ہںور دسمبر لنگھ گیا

Hy

What a man

@raohussain85.bsky.social

Done

Himmm

Hy