Os Premios Manuel Beiras de recoñecemento ao uso do galego no ámbito empresarial, en cuxo xurado participa o Colexio Profesional de Xornalistas de Galicia, entregáronse o pasado luns 1 de decembro no Teatro Principal de Santiago de Compostela. A Grileira, Aqueladas e Nós Televisión, foron os galardoados nesta XXVI edición nas categorías de uso continuado do galego, nova incorporación e comunicación innovadora, respectivamente. O Concello de Santiago e a Cámara de Comercio de Santiago de Compostela entregaron o pasado luns os premios da vixésimo sexta edición dos Premios Manuel Beiras, que teñen o obxectivo de achegar un recoñecemento público ao uso do galego no ámbito empresarial e lembran a figura do histórico comerciante compostelán Manuel Beiras García.

O sindicato reclama a máxima celeridade para pagar os atrasos do 2,5 % de 2025 e actualizar as nóminas en xaneiro, tras a publicación do Real Decreto-lei 14/2025, que afecta a todo o sector público A Central Sindical Independente e de Funcionarios (CSIF) urxe ás entidades locais de Galicia a acordar canto antes, no marco da negociación sindical, o calendario de pagamento dos atrasos correspondentes ao incremento retributivo do 2,5 % de 2025, co fin de que poidan facerse efectivos durante o mes de decembro, tal e como prevé o Real Decreto-lei 14/2025 para o persoal do sector público estatal, publicado este mércores.

Aprácenos anunciar a seguinte conferencia do ciclo de Xuntanzas Naturalistas que impartirá Noelia Pereira Álvarez, licenciada en bioloxía, máster en Inxeñería ambiental e actualmente realizando a súa tese doutoral na Universidade de Santiago de Compostela co título “Biodiversidade, ecoloxía e conservación das comunidades de plantas en ecosistemas dunares de Galicia”: TÍTULO: Do asfalto á area: a renaturalización da duna de Santa Cristina. DATA: venres 12 de decembro HORA: 19:30  LUGAR: Auditorio do Museo de Historia Natural de Ferrol ORGANIZA: Delegación de Ferrol da Sociedad Galega de Historia Natural PATROCINA: Deputación da Coruña…

Están afectados os lotes 527922C93 e 528022C93, con data de caducidade de abril de 2027 A Axencia Española de Seguridade Alimentaria e Nutrición (AESAN) tivo coñecemento, a través do Sistema da Rede de Alerta Alimentaria Europea (RASFF), dunha notificación de alerta trasladada polas autoridades sanitarias de Romanía relativa á presenza de anacos de metal e caucho en sopas deshidratadas de polo con fideos da marca Knorr. Este aviso é resultado do autocontrol da propia empresa, que comunicou a incidencia ás autoridades competentes en cumprimento da lexislación e co obxectivo de non poñer á disposición da poboación alimentos non seguros.

Empregase en persoas adultas para tratar a depresión, o trastorno de ansiedade xeneralizada e a dor neuropática diabética A Axencia Española de Medicamentos e Produtos Sanitarios (AEMPS), dependente do Ministerio de Sanidade, ordenou a retirada do mercado de varios lotes do medicamento para a depresión e a ansiedade Duloxetina Pensa Pharma 60 mg Cápsulas Duras Gastrorresistentes EFG tras detectar unha impureza por riba do límite establecido. En concreto, están afectados o lote 231514 (data de caducidade: 31 de maio de 2026) e o 240603 (30 de novembro de 2026) do formato que contén 56 cápsulas, así como o lote…

O peso económico de Vigo e os retos das empresas da súa contorna impulsan a descentralización do ICO (Instituto de Crédito Oficial) en Galicia. A Zona Franca de Vigo e o banco público asinaron hoxe un convenio de colaboración que, entre outros puntos, recolle a apertura na sede central do Consorcio da súa primeira oficina de representación permanente na comunidade autónoma. Unha iniciativa enmarcada nos plans do ICO no seu despregamento territorial e de descentralización, á que seguirá a implantación de puntos de representación noutras comunidades co obxectivo de achegar a súa actividade ás empresas e ás persoas.

Máis de 80 estudantes dos campus de Vigo e Ourense integran este curso o equipo Desde o inicio do proxecto hai once anos, o monopraza da UVigo foi evolucionando, tanto por dentro como por fóra, ata chegar a este curso 2025-2026 no que a escudaría encargada do seu deseño e fabricación está a introducir importantes novidades coas que aspiran a seguir mellorando os resultados acadados nas competicións internacionais nas que participan. “O coche traerá como cambio máis importante a modificación dun motor de Kawasaki R6N a un Triumph Daytona, con todas as variacións que isto supón, tanto na propulsión, como noutros elementos.

O vindeiro xoves participará no café Vitruvia nunha gala final con Quico Cadaval e máis divulgadoras Empregar o humor sen renunciar ao rigor, e facelo en galego. Esta é a filosofía que impulsa Gargallada Científica, o concurso de monólogos científicos da Universidade de Vigo, iniciativa que que acaba de coroar a Patricia González Cabaleiro, investigadora predoutoral no grupo de Xeotecnoloxías Aplicadas, GeoTech, do Cintecx, Centro de Investigación en Tecnoloxías, Enerxía e Procesos Industriais, da UVigo, como gañadora da súa primeira edición coa proposta Podería dicir que son. O xurado, integrado por Andrea Muras Mora, Luís Pena Morandeira e Ana Costa Montes, subliñou no seu fallo “a capacidade de Patricia para fusionar contido científico rigoroso cunha retranca galega moi característica nun vídeo cun guión orixinal e cheo de metáforas divertidas, acompañado dunha coidada calidade técnica e dunha interpretación especialmente salientable”.

Representantes das traballadoras dos medios públicos galegos trasladaranse a semana que vén a Madrid canda o resto dos comités de empresa integrantes da Plataforma RadioTelevisións Públicas en Loita para trasladarlle aos grupos con representación no Congreso dos Deputados a súa preocupación pola gravísima situación de manipulación e externalización dos medios públicos en todo o estado. As traballadoras da TVG e RG levan anos denunciando os avances nestes dous aspectos, que son un problema común co resto de radios e televisións autonómicas. Integrantes da plataforma concentraranse o martes 9 de decembro ás 10 h fronte á porta principal do Congreso…

O acordo representa un avance substancial no recoñecemento e mellora das condicións laborais e profesionais de enfermeiras, especialistas e fisioterapeutas SATSE Galicia comunica oficialmente a desconvocatoria da folga prevista para o próximo xoves 4 de decembro, tras acadar un acordo satisfactorio co Servizo Galego de Saúde (SERGAS). Este acordo supón un avance substancial no recoñecemento e mellora das condicións laborais e profesionais de enfermeiras, especialistas e fisioterapeutas. O pacto acadado co SERGAS inclúe medidas que contribuirán a: Mellorar a estabilidade laboral e as oportunidades de desenvolvemento profesional, así como a corrección das desigualdades que se veñen producindo desde hai máis de 10 anos en canto ás retribucións por xornadas de garda e manutención.

Un novo acordo con Telefónica e DAZN mostra como unha liga aposta pola continuidade e polos ecosistemas dixitais mentres boa parte de Europa busca dirección. A emisión do fútbol antes semellaba algo claro e sinxelo: operadores tradicionais gañaban as poxas e pagaban ás ligas até o seguinte ciclo. Hoxe, o panorama é moito máis complexo. LaLiga, por exemplo, vén de pechar un novo acordo doméstico por 5.250 millóns de euros con Telefónica e DAZN, que volve amosar como a economía mediática do fútbol está virando cara a modelos híbridos e relacións máis estreitas entre tecnoloxía e cultura.

Tras a conclusión da reunión da Comisión Internacional para a Conservación do Atún Atlántico (ICCAT) celebrada en Sevilla, WWF expresa a súa preocupación polas decisións sobre a xestión do atún vermello do Atlántico para os próximos tres anos e critica a falta de vontade política entre as Partes Contratantes de ICCAT para avanzar nunha conservación e xestión efectiva das quenllas. Raúl García, coordinador de Pesqueirías de WWF España, que asistiu á reunión, declarou: “WWF celebrou en 2022 a adopción do Procedemento de Xestión para o atún vermello do Atlántico como un logro histórico: unha ferramenta baseada na ciencia, deseñada para garantir a sustentabilidade a longo prazo dos stocks e presentar o atún vermello do Atlántico como un caso de éxito de ICCAT.

A CoP20 da CITES, o foro mundial no que os gobernos establecen as normas sobre o comercio internacional de fauna silvestre, conclúe hoxe con resultados que regulan e protexen especies como as quenllas, as raias e os grandes felinos asiáticos no comercio internacional. Porén, a proposta da UE, apoiada por WWF, de incluír todas as especies de anguía no Apéndice II —que reforzaría os controis nas exportacións desta especie— foi rexeitada por unha ampla maioría. En Samarcanda (Uzbekistán) reuníronse máis de 150 Partes Contratantes (incluída a Unión Europea e todos os seus Estados membros) para a 20ª Conferencia das Partes (CoP) da Convención sobre o Comercio Internacional de Especies Ameazadas de Fauna e Flora Silvestres (CITES).

Altri Non, a organización local contra proxectos mineiros, o impulso a proxectos agroecolóxicos locais e a defensa dos montes comunais fronte á especulación urbanística son exemplos exitosos que transforman a realidade material das persoas e do territorio A vixésimo sétima Asemblea Confederal de Ecoloxistas en Acción, que se celebra estes días en Vigo, inaugurouse coa mesa redonda aberta ao público ‘Ecoloxismo social como ferramenta de cambio’. Nela reuníronse diferentes movementos sociais locais que, desde o activismo ecoloxista cotián, transforman a realidade material das persoas e constrúen un paradigma de sociedade sustentable e xusta.

A Sala destaca que tería que demostrar “incapacidade para afrontar o seu propio mantemento e inhabilidade para desempeñar un posto de traballo” A sección primeira da Sala do Contencioso-Administrativo do Tribunal Superior de Xustiza de Galicia (TSXG) confirma a denegación da solicitude de autorización inicial de residencia temporal por circunstancias excepcionais de arraigamento familiar ao entender que o recorrente non acreditou que depende economicamente da súa nai, residente no Porriño e actualmente de nacionalidade española. Así, a Sala destaca que non presentou evidencia suficiente de que lle enviase remesas de cartos ou que non tivese medios para subsistir no seu país de orixe.

O tribunal acolle parcialmente o recurso presentado pola interina, pero rexeita que a administración autonómica incorrese en fraude de lei no seu nomeamento A sección primeira da Sala do Contencioso-Administrativo do Tribunal Superior de Xustiza de Galicia (TSXG) condena á Xunta a pagar as diferenzas retributivas a unha interina que traballou como psicóloga nun centro de Vigo entre 2020 e 2024, ao entender probado que desempeñou funcións correspondentes a un posto de categoría superior. “Ao funcionario que acredita a realización das funcións dun posto de traballo distinto do seu e con retribucións complementarias superiores, débenselle satisfacer os complementos de destino e específico do que efectivamente desempeñou”, destacan os maxistrados na resolución.

O devandito recoñecemento, segundo explican os maxistrados na sentenza, ten por finalidade estimular a participación da asociación “na realización do interese xeral” A sección terceira da Sala do Contencioso-Administrativo do Tribunal Superior de Xustiza de Galicia (TSXG) acolle o recurso interposto pola Asociación pola Liberdade Afectiva e Sexual da Coruña (ALAS) contra a resolución da Consellería de Presidencia, Xustiza e Deportes que lle denegou a declaración de utilidade pública. O devandito recoñecemento, segundo explican os maxistrados na sentenza, ten por finalidade estimular a participación da asociación “na realización do interese xeral”, e conleva “unha cualificación especial, unha declaración formal que recoñece, oficialmente, o beneficio para a colectividade dos fins perseguidos por esa asociación e as súas actividades”.

Acolle parcialmente o recurso interposto polo axente, pois rexeita as alternativas que ofrece para establecer o cálculo do importe da indemnización sección primeira da Sala do Contencioso-Administrativo do TSXG recoñece o dereito dun funcionario do Corpo Nacional de Policía a percibir unha indemnización por vestiario debido ao seu desempeño de funcións sen uniforme. A Sala, tras analizar a normativa aplicable e a xurisprudencia existente, conclúe que os funcionarios do Corpo Nacional de Policía que prestan servizos sen uniforme teñen dereito a unha compensación económica por vestiario. Ademais, destaca que a negativa a recoñecer este dereito a outros funcionarios en situacións similares vulnera o principio de igualdade.

Acaba de celebrarse un curso de formación para os profesionais “referentes” co obxectivo de continuar favorecendo a implantación de boas prácticas e mellora continua nos equipos asistenciais A Área Sanitaria de Vigo ven de celebrar un curso-obradoiro de formación en calidade asistencial e seguridade do paciente, dirixido aos profesionais “referentes” dos distintos servizos hospitalarios e de atención primaria. Esta iniciativa inscríbese na estratexia corporativa da Área Sanitaria de Vigo para despregar unha cultura de calidade e seguridade de paciente liderada polos propios profesionais, favorecendo a implantación de boas prácticas e mellora continua nos equipos asistenciais.

Un dos cabecillas residía nunha vivenda de luxo onde tiña instalada unha “habitación do pánico” cunha porta blindada, que houbo que derrubar para acceder ao seu interior, atopándose nela unha defensa extensible, un puño americano, así como unha machada e varios cartuchos de munición Axentes da Policía Nacional detiveron nas localidades valencianas de Torrent e Paterna (Valencia) a 20 persoas pertencentes a tres grupos criminais presuntamente implicados en estafas a través da modalidade coñecida como “fillo en apuros”, que terían afectado a máis de 200 vítimas en todo o territorio estatal e cun prexuízo económico superior aos 120.000 euros.

O director xeral da Policía presidiu o acto de presentación, onde sinalou que o compromiso da Policía é “transversal e permanente, o que leva ao Corpo a impulsar as medidas de protección que sexan necesarias” O director xeral da Policía, Francisco Pardo Piqueras, acompañado pola presidenta da Asociación a favor de Persoas con Discapacidade da Policía Nacional (Amifp), Pilar Pacheco Uria, e polo director xerente, Andrés Torquemada, presidiu esta mañá no Complexo Policial de Canillas, en Madrid, o acto de presentación do novo calendario da asociación para o ano 2026.

O obxectivo é previr a delincuencia na vía pública, tomando contacto coa cidadanía en xeral e cos turistas españois en particular, aos que ofrecen apoio en tarefas de tradución e asistencia Dous axentes da Policía Nacional da Comisaría de Vigo-Redondela patrullan desde hoxe e ata o día 9 de decembro polas rúas de Santa Maria da Feira (Portugal), cidade na que se atopa o famoso parque temático do Nadal do norte do país luso. Esta patrulla lévase a cabo conxuntamente con policías portugueses pertencentes á PSP (Polícia de Segurança Pública), no marco do proxecto…

O coloquio do sábado 13 contará co director Daniel Sánchez Arévalo e cos actores e actrices María Vázquez, Carlos Blanco, Judith Fernández, Fer Fraga e Xosé Antonio Touriñán, nun festival que unirá música, tradición e cinema durante tres días no Pazo de Mos O Rondallas Fest, que converterá Mos na capital da cultura rondalleira do 12 ao 14 de decembro, continúa a medrar e anuncia a incorporación de novos nomes do elenco da película “Rondallas”, dirixida por Daniel Sánchez Arévalo e inspirada na tradición musical que identifica ao municipio. O festival, promovido polo Concello de Mos coa colaboración da Deputación de Pontevedra, a Axencia de Turismo de Galicia e a Xunta de Galicia, vivirá no sábado 13 un dos seus momentos máis especiais: o coloquio co director e co reparto da cinta, que xa se presenta como unha das actividades estrela do programa.

As persoas usuarias da vivenda comunitaria de Pontenova denuncian dende hai meses a mala calidade da alimentación que se lles proporciona Os usuarios e usuarias da vivenda comunitaria de Pontenova levan meses denunciando, xunto con outros afectados e afectadas da Residencia de Ortigueira e persoas usuarias de Xantar na Casa, a mala calidade da alimentación que lles proporcionan nesta vivenda. Presións e represalias ás persoas denunciantes A raíz destas queixas, estanse a producir situacións de violencia cara ás persoas máis visibles destas reivindicacións, con presións, represalias e provocaciónscontra quen se atreve a facer públicas as súas demandas.

A primeira hora da mañá, cando Vigo aínda espertaba a medias, a Policía Local protagonizou unha intervención tan fulminante como exemplar Ás 09:10 horas deste 4 de decembro, na rúa Arenal, os axentes atopábanse en labores de vixilancia e prevención… ata que a normalidade deu paso á acción. Porque alí, entre o trasfego da xente, os policías recoñeceron visualmente a un individuo sobre o que pesaba unha requisitoria xudicial en vigor. Achegáronse sen dubidar, identificárono e confirmaron a sospeita. Tratábase de J. M. G. S., de 41 anos, e tras o cotexo oficial dos seus datos, verificouse o que intuían: …