👷‍♀️ CFDT, CGT, FSU, LAB eta Solidaires sindikatuek Maiatzaren Lehenerako manifestaziora deitu dute gaur goizean.

Hitzordua 11:00etan izango da, Baionako geltokian, eta manifestazioa Merkatu plazan bukatuko da, bertan informazio eta eztabaida guneekin.

🔴Intersindikalak deiturik, 200 langiletik gora hurbildu dira gaur goizean, 11etan, Departamenduko Kontseiluaren egoitzaren aitzinera, Soziala eta Medikuntza Soziala sektoreko langileen lan baldintzak eta diru murrizketak salatzeko.

🍖Baionako Herriko Etxeak goizean aurkeztu du 562. Xingar Feria Merkatuko ostatuan. Aurten, 18 ekoizlek parte hartuko dute.

Antolaketa iazkoa bera izango da, eraginkorra dela uste baitute. Bisitari kopurua %15 jaitsi da joan den urtean.

♻️ Bil Ta Garbik bere “Luzatu” desafioaren irabazleak aurkezten ditu gaur goizean Makean.

Joan den urrian abian jarritako desafio honen helburua lurraldeko hondakin-materialekin ekoitzitako produktuen prototipoak garatzea da. Orotara 6 proiektu eramaile atxiki dira.

📚Iker Elosegik liburu bat aurkeztu berri du: Euskal Herriko Fauna Gida. Liburu honen xedea lurralde txiki honetan bizi diren animalia basatiekiko jakin-mina piztea da. Horretarako naturazale jarrera hartzea proposatzen du.

Aurten Ipar Euskal Herrian izan diren 2 erahilketa matxistak salatu dituzte, gizonei ardura gehiago hartzea eskatuz.

#A25 Orotara 400 pertsona inguru hurbildu dira Baionara, talde feministek deiturik, Emazteen kontrako bortizkeriaren aurkako egun honetan, « konponbidea ez bazara, arazoa zara » lemapean.