Beste urrats bat egin du Iruñeko Udalak, Erorien Monumentua eraldatzeko. Diario de Noticias-ek aurreratu duenez, Vianako Printzea instituzioak oniritzia eman dio udalari mausoleo frankistaren katalogazioa aldatzeko, gaur egun duen babes juridiko maila apaltzeko eta, horrekin lotuta, eraikinaren zenbait elementu botatzeko eta beste batzuk aldatzeko. Monumentua «esanahiberritzea» eta haren «izaera frankista erauztea», horra Iruñeko Udalaren helburua; xede horrekin, arkitektura lehiaketa bat antolatuko dute, eraikina soilik ez, inguru osoa eraberritzeko. Horretarako, baina, udalak ezinbestekoa zuen Vianako Printzearen aldeko txostena, erakunde publiko hori arduratzen baita Nafarroako ondare artistikoa, kulturala eta historikoa katalogatzeaz eta zaintzeaz. Tramite hori bete du jada. Edonola ere, Vianako Printzearen baimena mugatua dela nabarmendu zuen Iruñeko Udalak, monumentuaren katalogazioa aldatzeko eskaera aurkeztu zuenean.  «Babes maila apaldu izanak aukera ematen du nolabaiteko askatasunez lan egiteko, baina mugatutako joko zelai baten barruan». Zer esan nahi du horrek? Bada, Erorien Monumentuari egiten ahal zaizkion aldaketen artean ez dagoela jasota eraikin osoa botatzea. Halaxe adostu zuten EH Bilduk, PSNk eta Geroa Baik ere, iazko azaroan sinatutako hitzarmenean. Elkarte memorialista ugarik gogor kritikatu dute bide hori, eta eraikina eraistea exijitu dute behin baino gehiagotan. Erlazionatuta * Eragile memorialistek Erorien Monumentua eraisteko exijitu dute * Erorien Monumentuaren katalogo aldaketari alegazioak aurkeztu dizkiote * Erorien monumentua: ke lainoak Zehazki, Vianako Printzearen baimenak aukera ematen du eraikin nagusian eta sotoan lan egiteko. Horri esker, zenbait elementu desagerrarazi ahalko lirateke; besteak beste, Mola eta Sanjurjo general kolpisten gorpuak hartu zituen kripta eta monumentuaren alboko galeriak. Kupularen barnealdean dauden pinturek, ordea, babes berezia dute, eta horiek mantendu beharko lirateke; eta kupulan bertan «esku-hartze arina» egiteko baimena eman du Vianako Printzea erakundeak, hura erabat bota gabe, betiere. Kanpoaldeari dagokionez, udalak eraikina eraldatu edo estali ahalko du. Edonola ere, hori guztia proiektu arkitektoniko batean zehaztu beharko du udalak. Horretarako, ideia lehiaketa bat antolatuko dute, 2018. urtean egin bezala.

Raúl Incertis ha pasado cuatro meses como voluntario en Gaza y explica que ha atendido adultos y niños "con disparos en la cabeza, en el tórax y en los genitales"

Akordioa ez dago itxita, baina aurreratutakoaren arabera, bere esportazioei %15eko muga zerga ezarriko die AEBek. Marcos Sefcovic EBko Merkataritza komisarioa estatu kideetako ordezkariei azaldu di...

Frankismoaren hondarrean, 1973an, ekin zion langileen eskubideak defenditzeko abokatu lanari Sabino Cuadrak (Amurrio, 1949). Barakaldon, Ezkerraldean egin zituen lehen urteak, eta 1976ko martxoaren...

AEBek %145etik %30eraino jaitsiko die tarifa produktu txinatarrei, eta Txinak %125etik %10eraino AEBetakoei. Trumpek esan du negoziazioak akordioa lortuta amaituko direla baina, hala ez bada, ez di...

Hem

2007tik urtero Nafarroan frankistek eraildako 3.500 fusilatuak omendu ditu Nafarroako Fusilatuen Senideen Elkarteak. Aurten, faxismoaren goraldiaren arriskuaz ohartarazi dute. Felix Arellano fusila...

Alternatiba bat bilatu arte, jarduerari eusteko exijitu diote BSHri. Taldeak bederatzi bilera egin ditu orain arte Nafarroako eta Espainiako gobernuekin. «Betoa altxatu» eta prozesuan parte hartu a...

Eskuin muturreko taldeak bi parlamentari zituen orain arte: Emilio Jimenez eta Maite Nosti

Hiru urte eman nahi dizkiete CO2 emisioen helburuak betetzen ez dituzten enpresei. 'Europan egina' zigilua kendu nahi diete osagai gehienak EBtik kanpoko herrialdeetan ekoizten dituzten enpresei. 4...

Trumpek men egin behar izan die AEBetako automobilgintzaren presioei. Kanadak esan du ez duela AEBei erantzunez ezarritako muga zerga propiorik kenduko, Trumpek Kanadari jarritako muga zerga guztia...

«Guretzat, toki hau idilikoa da», esan du Jose Manuel Bellido koronelak, Bardeako Tiro Eremuko begiralekutik ortzimugari so (Arguedas, Nafarroa). Kamuflajerako uniforme marroia darama, alboan ditue...

Alemaniako hauteskundeetako emaitzaren lehen erreakzioetako bat Donald Trumpen hatzetatik iritsi zen. Berak, edo txioak idazten dizkionak, Truth Social sare soziala erabili zuen Alemaniako «kontser...

Alemaniako hauteskundeetako emaitzaren lehen erreakzioetako bat Donald Trumpen hatzetatik iritsi zen. Berak, edo txioak idazten dizkionak, Truth Social sare soziala erabili zuen Alemaniako «kontser...

Zazpi enpresa batzordetako langileek egin dute deialdia; tartean daude BSH, Siemens Gamesa, Sunsundegui edo VW Nafarroakoak.